"AQSh-tyń mitingige eshqandai qatysy joq. Men bul jaily estidim. Bizdiń, memlekettik departamenttiń de, AQSh úkimetiniń de bularmen bailanysy joq. Bul Qazaqstannyń jergilikti ishki isi, tipti buǵan qatysty kommentarii de aitqym kelmeidi", - degen Kroýl.
Buǵan deiin "Eýraziia birinshi arnasy" Qazaqstandaǵy úkimettiń jerdi satý jáne sheteldikterge uzaq merzimge jalǵa berý josparyna qarsylyq mitingileri men jiyndaryn "muhittyń ar jaǵyndaǵy áldekimder" uiymdastyryp otyr dep, AQSh-ty meńzegen habar taratqan.
Qazaqstannyń birneshe oblysynda sáýirdiń sońynan bastap úkimettiń jer reformasyna qarsy stihiialyq mitingiler ótken. Politsiia "ruqsat etilmegen jiyn uiymdastyrdy" degen aiyppen 21 mamyr kúni el boiynsha myńnan astam adamdy ustaǵan. Olardyń keibiri 15 kúndik qamaý jazasyna kesilgen.
Derekkóz: www.azattyq.org
