"اقش-تىڭ ميتينگىگە ەشقانداي قاتىسى جوق. مەن بۇل جايلى ەستىدىم. ءبىزدىڭ، مەملەكەتتىك دەپارتامەنتتىڭ دە، اقش ۇكىمەتىنىڭ دە بۇلارمەن بايلانىسى جوق. بۇل قازاقستاننىڭ جەرگىلىكتى ىشكى ءىسى، ءتىپتى بۇعان قاتىستى كوممەنتاريي دە ايتقىم كەلمەيدى"، - دەگەن كروۋل.
بۇعان دەيىن "ەۋرازيا ءبىرىنشى ارناسى" قازاقستانداعى ۇكىمەتتىڭ جەردى ساتۋ جانە شەتەلدىكتەرگە ۇزاق مەرزىمگە جالعا بەرۋ جوسپارىنا قارسىلىق ميتينگىلەرى مەن جيىندارىن "مۇحيتتىڭ ار جاعىنداعى الدەكىمدەر" ۇيىمداستىرىپ وتىر دەپ، اقش-تى مەڭزەگەن حابار تاراتقان.
قازاقستاننىڭ بىرنەشە وبلىسىندا ءساۋىردىڭ سوڭىنان باستاپ ۇكىمەتتىڭ جەر رەفورماسىنا قارسى ستيحيالىق ميتينگىلەر وتكەن. پوليسيا "رۇقسات ەتىلمەگەن جيىن ۇيىمداستىردى" دەگەن ايىپپەن 21 مامىر كۇنى ەل بويىنشا مىڭنان استام ادامدى ۇستاعان. ولاردىڭ كەيبىرى 15 كۇندىك قاماۋ جازاسىنا كەسىلگەن.
دەرەككوز: www.azattyq.org
