Túrkistan oblysynyń ákimi Nuralhan Kósherovtiń videosy áleýmettik jelide keńinen tarap, qyzý talqyǵa tústi, dep habarlaidy dalanews.kz.
Videoda óńir basshysy janynda áńgimelesip kele jatqan aqsaqaldyń sózin bólip, jol jieginde jatqan qoqysty kóterip alǵany kórinedi. Osy sát jeli qoldanýshylary arasynda túrli pikir qaishylyǵyn týǵyzǵan.
Keibiri ákim tazalyqqa mán berip, úlgi kórsetkenin qoldasa, endi biri úlken kisiniń sózin bólip ketkenin "ádepsizdik" dep baǵalady.
Jelide jariialanǵan jazbalardyń birine qoldanýshylar "Qoqysty alyp tastaǵany durys shyǵar. Biraq qasynda sóilep kele jatqan úlken kisige qurmet tanytýy kerek edi", "Uiat boldy", "Ádepsizdik" degen pikir qaldyrǵan.
Eske salaiyq, buǵan deiin Túrkistan qalasy ákiminiń kóshe tazalap júrgen áreketi de áleýmettik jelide qyzý talqylanǵan bolatyn.
