AQSh biligi sheteldik stýdentterge, almasý baǵdarlamalaryna qatysýshylarǵa jáne halyqaralyq BAQ ókilderine arnalǵan kóshi-qon tártibin ózgertti, dep habarlaidy dalanews.kz.
Jańa erejege sáikes, stýdenttik F jáne almasý baǵdarlamalaryna arnalǵan J vizalary boiynsha AQSh-ta bolý merzimi tórt jyldan aspaidy. Al sheteldik jýrnalisterge beriletin I sanatyndaǵy viza 240 kúnge deiin qysqarady. Qytai azamattary úshin bul merzim 90 kún bolyp belgilengen.
Qazirgi júiede mundai vizalardyń merzimi oqý, taǵylymdama nemese jumys aiaqtalǵanǵa deiin jalǵasatyn. Endi ruqsat etilgen ýaqyttan keiin elde qalǵysy keletinder arnaiy ótinish berip, merzimin uzartýǵa tiis.
Jańa talaptar sheteldik stýdentterge de qosymsha shekteý qoiady. Aspiranttar oqý baǵdarlamasyn nemese ýniversitetin ruqsatsyz ózgerte almaidy. Sonymen qatar oqý nemese taǵylymdama aiaqtalǵannan keiin AQSh-tan shyǵýǵa beriletin ýaqyt 60 kúnnen 30 kúnge deiin qysqartylady.
AQSh-tyń Ishki qaýipsizdik ministrligi bul ózgeristerdi sheteldik stýdentter men almasý baǵdarlamasyna qatysýshylar sanynyń artýymen túsindirdi. Vedomstvonyń málimetinshe, 2024 jyly elde 1,8 millionnan astam stýdenttik viza berilgen.
Jańa tártip Federaldyq tizilimde jariialanǵannan keiin 60 kún ótken soń kúshine enedi.
