Áleýmettik jelide President jobasynyń jýrnalısi Ádil Baltabaev pen tanymal prodúser, akter Nurlan Qoıanbaevtyń arasynda daý shyǵyp, bul jaıt qyzý talqyǵa tústi, dep habarlaıdy Dalanews.kz.
Daýdyń basy Threads-ten bastaldy
Rasynda, daýdyń basy jýrnalıs Ádil Baltabaevtyń eki kún buryn Threads jelisinde jazǵan myna jazbasynan bastaldy:
"Qaırat" pen "Real Madrıd" arasyndaǵy oıyn qyzý talqylanyp jatqan shaqta Ádil Baltabaev ta óz pikirin bildirmek bolyp, "Qaırattyń" oıynshylaryna qoldaý kerek ekenin jazǵan. Osylaısha sóz arasynda Nurlan Qoıanbaevtyń esimi atalǵan. Al Nurlan Qoıanbaev buǵan deıin "Qaırat" oıynshylary erteń Lýı Vıton sómkelerimen kelińder,eski bolsyn,"jenskıı" bolsyn..." degen edi.
Nurlan Qoıanbaevtyń reaksıasy
Prodúser bul pikirge únsiz qalmaǵan, jelide jaýap qatqan.
"Baltabaev Prezıdenttiń janynda júrip qutyryp ketipsiz ǵoı. Qoıanbaev emes, hotá by Nurlan Qoıanbaev dep jazbaısyz ba? Patrıot bolsańyz qazaqsha jazyp jibermedińiz be?" - dedi ol.
Halyqtyń pikiri
Áleýmettik jeli qoldanýshylarynyń pikiri ekige jarylǵan: biri Ádil Baltabaevtyń bul málimdemesi orynsyz bolǵanyn aıtsa, endi biri onyń kásibı jýrnalıs ekenin aıtyp, arasha túsken. Tipti ony buǵan deıin el aýzynda júrgen Mádı Ahmetpen (Nazarbaevqa eskertkish qoıýdy usynǵan eks-depýtat - esk.) salystyrǵandar da tabylǵan.
"Nurlan Qoıanbaev patrıot retinde sizge qaraǵanda kóp nárse istedi", "Baltabaev sen posttar jazyp jatqanda Nurlan Qoıanbaev elimiz úshin kóp nárse istedi", "Qoıanbaevqa tıispeńder, ol - naǵyz fýtbol jankúıeri, naǵyz patrıot", "Dostar, Ádil keremet jobalar jasap jatqanyn umytpaıyq. Onyń jumysynyń arqasynda jaqsy túsinip jatyrmyz", - dedi olar.
