Aqnár Gúlstan isinde esimi atalǵan qyz jurt aldyna shyǵyp, málimdeme jasady, dep habarlaidy Dalanews.kz.
21 jastaǵy Rana esimdi qyzdyń aitýynsha, Aqnár Gúlstannyń anasynyń málimdemeleri shyndyqqa janaspaidy.
"Aqnár Gúlstannyń anasy meni jáne Didar degen kisini óltirýshiler dep aityp jatyr. Biraq bul shyndyqqa sáikes kelmeidi. Ol shyndyq emes", - dedi ol.
Onyń sózinshe, úsheýi de Qazaqstandaǵy belgili ýniversitet qabyrǵasynda tanysqan, Aqnármen bir kýrsta oqyǵan.
"Aramyzda eshqandai kelispeýshilik bolǵan joq. Dostyǵymyz óte jaqyn boldy. Týǵan kún ótkizsem olar keletin", - dedi ol.
Rana byltyr anasy kóz jumyp, sonyń saldarynan kúizeliske túskenin aitty. Onyń sózinshe, keiin eki qyz habarlasyp, onyń kóńilin surap kelgen.
"18 shildede Aqnár men Didar habarlasyp, "kóńil surap jinalaiyq" dedi. Ekeýi meni bir meiramhanaǵa shaqyrdy. Sol meiramhanada tamaqtandyq. Óte kóp tamaq tapsyrys bergendikten, tamaq qaldy. Keiin "Didardyń úiine jinalaiyq" dep sheshim qabyldadyq. 2024 jyly 19 shildede keshki saǵat 20.40-ta Didardyń úiine keldik. Aqnár ishimdik satyp alýdy birinshi ózi usyndy. Biz de kelistik. Kóńil kúiimizdi kótereiin dep syra, shampan jáne sodjý tapsyrys berdik. "Men dári qabyldap júrmin, azdap ishemin" dedim. Úsheýmiz tamaqtandyq, qyzdar syra ishti. Men aýyryp júrgendikten shampan ishtim. Keiin mýzyka qoiyp, biledik. Didar ony videoǵa túsirgen", - dedi qyz.
Onyń sózinshe, politsiia ishimdikke bailanysty saraptama júrgizgende ózinen 0 degen, Didar esimdi qyzdan 0,003 degen nátije shyǵarǵan. Esirtki boiynsha da saraptama alynyp, teris nátije shyǵarǵan.
"Aqnár jaimen uiyqtap bastaidy. Sol kezde biz "telefonyńnyń qupiiasózin aitshy, úiińdegilerge habarlasaiyq" dedik. Aqnár qupiiasózin berdi. Biz úi ishine habarlasqymyz keldi. Biraq men "uiyqtap jatyr ǵoi, ári qarai da uiyqtai bersin, erteń úiine qaitar" dedim. Biz zalda otyrdyq, Didar ekeýmiz áńgime aityp otyrdyq. Bir kezde Aqnár kenet turyp, shyńǵyryp bastady. Eki kózi qyp-qyzyl. Shoshyp kettim. Júgirip bardym. "Ne boldy?" dedim. Ol meni shapalaqpen uryp, qulatty. Didar da shoshyp, Aqnárge bardy, ony da shapalaqpen urdy. Birdeńe durys emes ekenin bildik. Ol bastap óz-ózine qol jumsaǵysy keldi, biz ony ustadyq. Ol shyńǵyryp bastaidy, biz tynyshtandyramyz. Ol bizdi urǵysy keldi. Maǵan "seniń anań tozaqta" dedi. Túsinbei qaldym. Ákemdi aityp, búkil otbasymdy qarǵap bastaidy. "Qate, qate" dep aittym. Onyń aýzyn jaýyp otyrdym, jylap otyrdym. Ol súre oqyp bastaidy. "Jyn kirgen siiaqty" dep qaldyq", - deidi videoda qyz.
Onyń sózinshe, Aqnár ózine shabýyl jasap, basynan, denesinen urǵan, betinen tyrnaǵan.
"Sol sátte Didar dárethanaǵa qashty. Aǵasyna aýdio jiberedi. "Aqnár qasymyzdaǵy bir qyzdy óltireiin dep jatyr" deidi. Ol túsinýge óte ońai. "Bizdiń qasymyzdaǵy bir qyzdy óltirip jatyr" deidi", - dedi Rana.
Ol keiin as bólmesine qashqanyn, Aqnár artynan júgirip kelgenin, ózin uryp-soqqanyn aitady.
"Keiin júgirip, úidiń ekinshi dárethanasyna baryp, tyǵyldym. Dirildep otyrdym. Mundai jaǵdai ómirimde bolyp kórgen joq. Aqnár sekirip ketetinin oilamadym. Dárethanada 3-5 minýt otyrdym, bireý esikti qaqty. Didardyń daýsyn estidim. Menen "Aqnár qaida?" dep surady. "Aqnár as bólmede" dedim. As bólmesine barsaq joq eken. Bir jerge tyǵylyp qalǵan shyǵar dedim. Zalda da bolmady. Zaldy qarap jatqan kezde politsiia esik qaqty. Esikti ashqanda "sizderdiń páterlerińizden bir qyz qulap tústi" deidi. Sol kezde senbedim. Ózine qol jumsaidy degen oi bolmady. Ishpegen kezde jaqsy qyz boldy, maqsaty boldy. Sekirgenin estigen kezde tańǵaldym", - deidi videodaǵy qyz.
Eske salaiyq, Almatyda 2024 jyly 20 shildede Aqnár Gúlstan kópqabatty turǵyn úidiń jetinshi qabatynan qulap, qaitys bolǵan. Tergeý bul oqiǵany "ózin-ózi óltirý" babymen tirkegen. Alaida jaqyndary Aqnárdiń jetinshi qabattan qulap ketkenine senbeidi. Olardyń sózinshe, marqum qaza tapqanǵa deiin denesinde azaptaý belgileri bolǵan.
Keiinirek marqumnyń anasy Gúlstan Qamit Almaty qalalyq tergeý organdary men prokýratýrasy bul isti jeńil bappen ózine ózi qol jumsaýǵa itermeleý dep baǵalap, shynaiy tergeý júrgizbei otyrǵanyn málimdedi.
Al Almaty qalalyq PD málimetinshe, tergeý basqarmasy byltyr shildede Almaty turǵynynyń ólimine qatysty qylmystyq is qozǵaǵan.
