Aqmola oblysynda eki kólik soqtyǵysyp, saldarynan eki adam qaza tapty. Taǵy jeti adam túrli jaraqat aldy, dep habarlaidy dalanews.kz.
Jol-kólik oqiǵasy 10 tamyzda Astana – Petropavl tasjolynda bolǵan. Aldyn ala málimet boiynsha, Mercedes-Benz Sprinter shaǵyn avtobýsy men GAZ-53 júk kóligi soqtyǵysqan.
Apat saldarynan Mercedes-Benz Sprinter-de bolǵan eki jolaýshy alǵan jaraqattarynan kóz jumdy. Shaǵyn avtobýstyń taǵy alty jolaýshysy jáne GAZ-53 kóligindegi bir adam túrli dene jaraqattarymen meditsinalyq mekemege jetkizildi.
Qazirgi ýaqytta jol apatynyń mán-jaiy anyqtalyp jatyr. Oqiǵaǵa bailanysty tergeý júrgizilýde.
