Ақмола облысында екі көлік соқтығысып, салдарынан екі адам қаза тапты. Тағы жеті адам түрлі жарақат алды, деп хабарлайды dalanews.kz.
Жол-көлік оқиғасы 10 тамызда Астана – Петропавл тасжолында болған. Алдын ала мәлімет бойынша, Mercedes-Benz Sprinter шағын автобусы мен ГАЗ-53 жүк көлігі соқтығысқан.
Апат салдарынан Mercedes-Benz Sprinter-де болған екі жолаушы алған жарақаттарынан көз жұмды. Шағын автобустың тағы алты жолаушысы және ГАЗ-53 көлігіндегі бір адам түрлі дене жарақаттарымен медициналық мекемеге жеткізілді.
Қазіргі уақытта жол апатының мән-жайы анықталып жатыр. Оқиғаға байланысты тергеу жүргізілуде.
