Aqmola oblysyndaǵy Lingvo Camp jekemenshik saýyqtyrý lagerinde balalardyń jappai ýlanýyna bailanysty kinálilerdi anyqtaý jumystary jalǵasyp jatyr, dep habarlaidy dalanews.kz.
Aqmola oblysy politsiia departamentiniń málimetinshe, sanitariialyq-epidemiologiialyq qyzmettiń qorytyndysy alynyp, qylmystyq is materialdaryna tirkelgen.
«Qazirgi ýaqytta bolǵan oqiǵanyń barlyq mán-jaiyn jan-jaqty jáne tolyq anyqtaýǵa baǵyttalǵan tergeý amaldary júrgizilip jatyr», - dep habarlady vedomstvo.
Politsiianyń málimetinshe, tergeý nátijesi boiynsha túpkilikti protsessýaldyq sheshim qabyldanady.
Qylmystyq is Qylmystyq kodekstiń 304-babynyń 1-bóligi («Sanitariialyq qaǵidalardy nemese gigienalyq normativterdi buzý, abaisyzda adamdardyń jappai ýlanýyna ákep soǵý») boiynsha tergelip jatyr. Atalǵan bap boiynsha aiyppul salý, túzeý jumystary, bas bostandyǵyn shekteý nemese eki jylǵa deiingi merzimge bas bostandyǵynan aiyrý jazasy qarastyrylǵan.
Eske salaiyq, 2026 jylǵy 1 shildede Birjan sal aýdanyndaǵy Lingvo Camp jekemenshik jyl boiy jumys isteitin saýyqtyrý lagerinde balalar arasynda taǵamnan jappai juqpaly aýrý tirkeldi. Zardap shekken alty balanyń tórteýi kópbeiindi oblystyq balalar aýrýhanasynyń juqpaly aýrýlar bólimine jatqyzylyp, taǵy ekeýi ambýlatoriialyq em qabyldaǵan.
