Aqmola oblysynyń Astrahan aýdanynda qoǵamdyq tártipti buzyp, politsiia qyzmetkerlerin balaǵattaǵan áielge qatysty qylmystyq is qozǵaldy, dep habarlaidy dalanews.kz.
Oqiǵa 6 shilde kúni keshke Astrahan aýdanyna qarasty Jaltyr aýylynyń ortalyq alańynda bolǵan. Politsiianyń málimetinshe, 34 jastaǵy áiel orta dárejedegi alkogoldik masań kúide qoǵamdyq tártipti buzǵan.
Oqiǵa ornyna kelgen tártip saqshylary oǵan zań talaptaryn saqtaýdy eskertken. Alaida áiel eskertýge qulaq aspai, politsiia qyzmetkerleriniń ar-namysyna tietin bylapyt sózder aityp, kópshilik aldynda balaǵattaǵan.
Aqmola oblystyq politsiia departamentiniń habarlaýynsha, meditsinalyq kýálandyrý áieldiń masań kúide bolǵanyn rastaǵan. Osy derek boiynsha bilik ókilin qorlaý faktisimen qylmystyq is qozǵaldy.
Politsiia ókilderi azamattarǵa quqyq qorǵaý organdary qyzmetkerleriniń zańdy talaptaryna baǵynbaý, olardy qorlaý nemese qarsylyq kórsetý zań boiynsha jaýapkershilikke ákeletinin eske saldy.
Qoldanystaǵy zańnamaǵa sáikes, mundai quqyq buzýshylyq úshin 80 ailyq eseptik kórsetkishke (AEK) deiin aiyppul salý nemese 20 táýlikke deiin ákimshilik qamaqqa alý jazasy qarastyrylǵan.
