اقمولا وبلىسىنىڭ استراحان اۋدانىندا قوعامدىق تەرتٸپتٸ بۇزىپ, پوليتسييا قىزمەتكەرلەرٸن بالاعاتتاعان ەيەلگە قاتىستى قىلمىستىق ٸس قوزعالدى, دەپ حابارلايدى dalanews.kz.
وقيعا 6 شٸلدە كٷنٸ كەشكە استراحان اۋدانىنا قاراستى جالتىر اۋىلىنىڭ ورتالىق الاڭىندا بولعان. پوليتسييانىڭ مەلٸمەتٸنشە, 34 جاستاعى ەيەل ورتا دەرەجەدەگٸ الكوگولدٸك ماساڭ كٷيدە قوعامدىق تەرتٸپتٸ بۇزعان.
وقيعا ورنىنا كەلگەن تەرتٸپ ساقشىلارى وعان زاڭ تالاپتارىن ساقتاۋدى ەسكەرتكەن. الايدا ەيەل ەسكەرتۋگە قۇلاق اسپاي, پوليتسييا قىزمەتكەرلەرٸنٸڭ ار-نامىسىنا تيەتٸن بىلاپىت سٶزدەر ايتىپ, كٶپشٸلٸك الدىندا بالاعاتتاعان.
اقمولا وبلىستىق پوليتسييا دەپارتامەنتٸنٸڭ حابارلاۋىنشا, مەديتسينالىق كۋەلاندىرۋ ەيەلدٸڭ ماساڭ كٷيدە بولعانىن راستاعان. وسى دەرەك بويىنشا بيلٸك ٶكٸلٸن قورلاۋ فاكتٸسٸمەن قىلمىستىق ٸس قوزعالدى.
پوليتسييا ٶكٸلدەرٸ ازاماتتارعا قۇقىق قورعاۋ ورگاندارى قىزمەتكەرلەرٸنٸڭ زاڭدى تالاپتارىنا باعىنباۋ, ولاردى قورلاۋ نەمەسە قارسىلىق كٶرسەتۋ زاڭ بويىنشا جاۋاپكەرشٸلٸككە ەكەلەتٸنٸن ەسكە سالدى.
قولدانىستاعى زاڭناماعا سەيكەس, مۇنداي قۇقىق بۇزۋشىلىق ٷشٸن 80 ايلىق ەسەپتٸك كٶرسەتكٸشكە (اەك) دەيٸن ايىپپۇل سالۋ نەمەسە 20 تەۋلٸككە دەيٸن ەكٸمشٸلٸك قاماققا الۋ جازاسى قاراستىرىلعان.
