Aqmola oblysynyń turǵyny Instagram jelisinde ózin emshi retinde tanystyrǵan áielmen tanysqan. Keiin olar WhatsApp arqyly sóilesken. Kúdikti áiel onyń senimine kirip, emdeýge kómektesetinin aityp, keiin "tiimdi investitsiia" salýdy usynǵan. Sonymen qatar, baspana alýǵa jáne nesielerin jabýǵa kómektesýge ýáde bergen, dep habarlaidy dalanews.kz.
Osy ýádege sengen áiel 2025 jylǵy qazannan 2026 jylǵy mamyrǵa deiin alaiaqqa 8 million 825 myń teńge aýdarǵan. Keiin kúdikti onyń 3 million 370 myń teńgesin ǵana qaitarǵan. Al qalǵan qarajat túrli syltaýmen áli kúnge deiin qaitarylmaǵan.
Jábirlenýshi kúdiktimen birde-bir ret betpe-bet kezdespegen. Barlyq bailanys tek messendjer arqyly júzege asqan.
Bul derekke qatysty alaiaqtyq baby boiynsha qylmystyq is tirkeldi. Politsiia bul qylmysqa qatysy bolýy múmkin Shymkent qalasynyń turǵynyn anyqtady.
Qazir oqiǵanyń barlyq mán-jaiy sotqa deiingi tergep-tekserý aiasynda tekserilip jatyr.
