Aqmola oblysynyń Makinsk qalasynda 18 jastaǵy jigitke pyshaqpen shabýyl jasaldy. Kúdikti retinde onyń burynǵy synyptasy ustaldy, dep habarlaidy Dalanews.kz.
Oblystyq politsiia departamentiniń málimetinshe, 24 sáýir kúni Makinsk qalasyndaǵy meditsinalyq mekemege pyshaq jaraqattaryn alǵan 18 jastaǵy jergilikti turǵyn jetkizilgen.
Osy derekke bailanysty qylmystyq is qozǵaldy. Quqyq qorǵaý organdary jábirlenýshiniń burynǵy synyptasyn qolǵa túsirip, ýaqytsha ustaý izoliatoryna qamaǵan.
Qazir oqiǵanyń barlyq mán-jaiyn jan-jaqty, tolyq ári obektivti anyqtaýǵa baǵyttalǵan tergeý amaldary júrgizilip jatyr.
Politsiia departamenti tergeý barysy vedomstvo basshylyǵynyń baqylaýynda ekenin málimdedi. QR Qylmystyq-protsestik kodeksiniń 201-babyna sáikes ózge aqparat jariia etilmeidi.
