Aqmola oblysy Tselinograd aýdanyna qarasty Qabanbai aýyly mańyndaǵy karerde jumysshy qaza tapty, dep habarlaidy Dalanews.kz.
Ulysmedia usynǵan málimetke sáikes, ekskavator sý qoimasyna aýdarylyp, kabinada bolǵan júrgizýshi syrtqa shyǵa almai sýǵa ketken.
Atalǵan karerdi "Astana Keramika" JShS igergen.
"Naiza Kókshe" óńirlik basylymynyń jazýynsha, bastapqy tekserý barysynda qaza tapqan azamatpen de, arnaiy tehnikanyń iesimen de bul kompaniia arasynda kelisimshart bolmaǵany anyqtalǵan. Sondai-aq atalǵan aýmaqta qum óndirýdiń zańdylyǵy da tekserilmek.
Eńbek inspektsiiasy jumys berýshiden bul jazataiym oqiǵa týraly eshqandai habarlama túspegenin málimdedi. Qazir oqiǵanyń mán-jaiy naqtylanyp jatyr.
Politsiia departamentiniń habarlaýynsha, 20 aqpan kúni saǵat 12:40 shamasynda Tselinograd aýdandyq politsiia bólimine karerdegi oqiǵa týraly habar túsken. 1996 jyly týǵan júrgizýshi ekskavatormen saz óndiretin karerdegi sýǵa batyp ketken. Qazir oqiǵa ornynda politsiia men jedel qyzmetter jumys istep, tehnikany sýdan shyǵarý jumystary júrgizilip jatyr.
