Aqmola oblysynda Qaraótkel aýylynyń turǵyny ákim men politsiia qyzmetkerleri úiine kelip ketkennen keiin aýrýhanaǵa túsken, dep habarlaidy Dalanews.kz.
"26 jeltoqsanda saǵat 19:39-da meni aldyn ala eskertýsiz Qaraótkel aýylynyń ákimi Abzalbekov Baýyrjan Súndetbaiuly politsiia qyzmetkerlerimen birge úiime keldi. Eshqandai qońyraý, habarlama, ne kelisim bolǵan joq. Men – naýqaspyn, múgedekpin. Túsindirilmegen maqsatpen keshki ýaqytta kelýlerin men maǵan qysym kórsetý dep baǵalaimyn", – dep jazdy Qaraótkel aýylynyń turǵyny Janar Hasenova Instagram paraqshasynda.
QazTAG málimetinshe, áiel kútpegen qonaqtardyń kelý sátin videoǵa túsirip jariialaǵan. Beinejazbaǵa qaraǵanda, ákim politseilermen birge onyń jariialaǵan jazbasyna bailanysty kelgen, ári bul máseleni "basqasha jolmen sheshýge bolady" degen áńgime aitqan.
Buǵan deiin Hasenova Qazaqstan Prezidentine videoúndeý joldap, Qaraótkel aýylynyń ákiminiń taǵaiyndalýy kezinde "jalǵan daýys berý" týraly aitqan keńesterdiń aýdiojazbasy bar ekenin málimdegen. Osyǵan bailanysty ol túrli instantsiiaǵa júgingen. Nátijesinde aýyl ákimine qatań sógis jariialanǵan.
"Qaraótkel aýyldyq okrýginiń ákimi Abzalbekov B. ýchaskelik politsiia inspektorlarymen birge azamatsha Hasenova J. M. turatyn jerge buryn áleýmettik jelilerde jariialaǵan videomaterialyna bailanysty túsindirý áńgimesin júrgizý maqsatynda bardy. Atalǵan kezdesý túsindirý-profilaktikalyq sipatta boldy", — dep jaýap bergen Tselinograd aýdany ákimi baspasóz qyzmeti QazTAG agenttigine.
Sonymen birge, azamatshaǵa qysym kórsetý, qorqytý nemese ózge de zańsyz áreketter jasaý nieti bolmaǵany atap ótilgen.
