Aqmola oblysynda politseiler 24 million teńge urlaǵan kúdiktini qolǵa túsirdi, dep habarlaidy Dalanews.kz.
Polisia.kz málimeti boiynsha, Aqmola oblysynyń politsiia qyzmetkerleri Arshaly aýdanynda avtokólik salonynan joǵalǵan iri kólemdegi aqsha urlyǵyn jedel túrde ashty.
Qylmys týraly aryz 20 qarashada Arshaly aýdandyq politsiia bólimine kelip tústi. Jergilikti kásipkerdiń aitýynsha, belgisiz tulǵalar salonynda 24 million teńge bolǵan Mercedes-Benz avtokóligin aidap áketken.
Habarlamany tirkegennen keiin politseiler jedel-izdestirý áreketine kiristi. Is-qimyl algoritmi ázirlendi, urlanǵan kólikti izdeýge Aqmola oblysynyń da, Astananyń da patrýldik politsiiasynyń ekipajdary qosyldy. Quqyq qorǵaý organdary irgeles aýmaqtardy, kúdiktilerdiń yqtimal qozǵalys baǵyttaryn pysyqtady, olardyń jeke basyn anyqtalyp, beinebaqylaý kameralarynyń jazbalaryn tekserildi.
Úsh kúnnen keiin Arshaly aýdanynyń aýmaǵynda politseiler Qyzylorda oblysynyń 27 jáne 29 jastaǵy eki týmasyn ustady. Urlyq faktisi boiynsha sotqa deiingi tergeý júrgizilýde, kúdiktiler qamaýǵa alyndy. Tergeý aiasynda politseiler mán-jailardy anyqtaýda, sondai-aq, ustalǵandardyń basqa da osyndai qylmystarǵa qatysy bolýy anyqtalyp jatyr.
