"Zań men tártip" tujyrymdamasy aıasynda Aqmola oblysynyń prokýratýrasy balyqshylar men ańshylar arasynda túsindirý jumystaryn júrgizdi, dep habarlaıdy Dalanews.kz.
Prokýratýra málimetinshe, ańshylyq pen balyq aýlaýdyń zańdylyǵy, brakonerlikke jol bermeý jáne tabıǵat qorǵaý zańnamasyn saqtaý máselelerine basty nazar aýdarylady.
"2025 jyly ańshylyq jáne balyq aýlaý erejelerin buzǵany úshin jalpy somasy 8,5 mln teńgege shamamen 400 adam ákimshilik jaýaptylyqqa tartyldy. Sotqa deıingi tergep-tekserýlerdiń biryńǵaı tizilimine 11 qylmystyq is tirkeldi", - delingen vedomstvo taratqan málimdemede.
Aqmola oblysynyń prokýratýrasy ańshylar men balyqshylardy zań talaptaryn qatań saqtaýǵa jáne tabıǵı resýrstarǵa uqypty qaraýǵa shaqyrady.
#zań_men_tártip
