"زاڭ مەن ءتارتىپ" تۇجىرىمداماسى اياسىندا اقمولا وبلىسىنىڭ پروكۋراتۋراسى بالىقشىلار مەن اڭشىلار اراسىندا ءتۇسىندىرۋ جۇمىستارىن جۇرگىزدى، دەپ حابارلايدى Dalanews.kz.
پروكۋراتۋرا مالىمەتىنشە، اڭشىلىق پەن بالىق اۋلاۋدىڭ زاڭدىلىعى، براكونەرلىككە جول بەرمەۋ جانە تابيعات قورعاۋ زاڭناماسىن ساقتاۋ ماسەلەلەرىنە باستى نازار اۋدارىلادى.
"2025 جىلى اڭشىلىق جانە بالىق اۋلاۋ ەرەجەلەرىن بۇزعانى ءۇشىن جالپى سوماسى 8،5 ملن تەڭگەگە شامامەن 400 ادام اكىمشىلىك جاۋاپتىلىققا تارتىلدى. سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە 11 قىلمىستىق ءىس تىركەلدى"، - دەلىنگەن ۆەدومستۆو تاراتقان مالىمدەمەدە.
اقمولا وبلىسىنىڭ پروكۋراتۋراسى اڭشىلار مەن بالىقشىلاردى زاڭ تالاپتارىن قاتاڭ ساقتاۋعا جانە تابيعي رەسۋرستارعا ۇقىپتى قاراۋعا شاقىرادى.
#زاڭ_مەن_ءتارتىپ
