Aqmola oblysynda orman qorynyń 100 gektardan astam jeri qaıtaryldy, dep habarlaıdy Dalanews.kz.

Aqmola oblysynyń tabıǵat qorǵaý prokýratýrasy orman zańnamasynyń saqtalýyna júrgizilgen taldaý nátıjeleri boıynsha uzaq jáne qysqa merzimdi orman paıdalaný sharttarynyń talaptaryn buzý faktilerin anyqtady.

Zań buzýshylyqtardy joıý maqsatynda memlekettik orman ıelenýshilerdiń mekenjaıyna prokýrorlyq qadaǵalaý aktileri engizildi.

Qaraý nátıjeleri boıynsha josyqsyz orman paıdalanýshylarmen jasalǵan sharttar buzylyp, aýdany 100 gektardan asatyn, kadastrlyq quny 1,3 mlrd teńge bolatyn 4 jer ýchaskesi qaıtaryldy.

Orman sharýashylyǵy mekemeleriniń dırektorlary qatań tártiptik jaýapkershilikke tartyldy.

Osylaısha, tabıǵat qorǵaý prokýratýrasynyń sharalarymen orman qoryn utymdy paıdalaný jáne saqtaý qamtamasyz etildi.