Jumys sapary aiasynda Shyǵys Qazaqstan oblysyna Densaýlyq saqtaý ministri Aqmaral Álnazarova kelip, Óskemen qalasynda salynyp jatqan Gematologiia ortalyǵyn aralady, habarlaidy Dalanews.kz
ShQO ákimi Nurymbet Saqtaǵanov pen Densaýlyq saqtaý ministri Aqmaral Álnazarova Óskemen qalasynda salynyp jatqan kópbeiindi gematologiia jáne kardiologiia ortalyǵynyń qurylys barysymen tanysty. El Prezidentiniń tapsyrmasy boiynsha qurylys jumystaryn aiaqtaý úshin qaitarylǵan aktivter esebinen 33,6 mlrd teńge bólingen.
Negizgi ǵimarat 148 tósek-orynǵa eseptelip, qurylys jumystarynyń 80%-y oryndaldy. Qazir nysanda 120 adam eńbek etýde, mamyr aiyna deiin bul kórsetkish 350–400 adamǵa deiin artady dep josparlanýda.
Ortalyq zamanaýi meditsinalyq qural-jabdyqtarmen jabdyqtalady: 256 kesindilik kompiýterlik tomograf, eki angiografiialyq júie, eki proektsiiada sýretke túsirýge múmkindik beretin MRT ornatylmaq. Sondai-aq operatsiialyq bólmeler, genetika jáne transfýziologiia zerthanalary tolyq jabdyqtalyp, balalar bólimi jumys isteitin bolady.
Qazirgi tańda kadr daiarlaý jumystary júrgizilýde: 28 maman oqytýdan ótip, biliktilikterin arttyrdy. Jalpy ortalyqta shamamen 300 jumys orny ashylady dep kútilýde.
Bul biregei ortalyq Shyǵys Qazaqstan oblysy turǵyndary úshin ǵana emes, elimizdiń basqa óńirlerinen keletin patsientter úshin de mańyzdy densaýlyq saqtaý nysanyna ainalmaq.
