Energetıka mınıstrligi Qazaqstan munaıynyń Reseı aýmaǵy arqyly tranzıti toqtaǵanyn rastady, dep habarlaıdy Dalanews.kz.
Vedomstvo basshysy Erlan Aqkenjenov beıresmı derekterge súıene otyryp, mamyr aıyna Atyraý–Samara munaı qubyry arqyly, ári qaraı Drýjba munaı qubyry jelisimen Shvedt munaı óńdeý zaýyty baǵytyna jetkizilimder nólge teń ekenin aıtty.
Mınıstrdiń sózinshe, reseılik tarap tehnıkalyq múmkindik joq ekenin alǵa tartqan. Onyń paıymdaýynsha, bul jaǵdaı Reseıdegi ınfraqurylymǵa jasalǵan sońǵy soqqylarmen baılanysty bolýy múmkin.
«Beıresmı aqparatqa súıensek, bul ras. Mamyr aıynda Atyraý–Samara baǵytymen ári qaraı “Drýjba” arqyly Shvedt zaýytyna jetkizilim joq. Reseı tarapy munaı aıdaýǵa tehnıkalyq múmkindik joq ekenin aıtyp otyr. Bul, múmkin, ınfraqurylymǵa jasalǵan sońǵy soqqylarmen baılanysty», ódedi mınıstr Astanada ótken ekologıalyq samıt kýlýarynda.
Agenttik málimetinshe, jańartylǵan jetkizý kestesi Qazaqstan men Germanıaǵa jiberilgen. Derekkózder bul aqparatty jasyryn túrde rastaǵan.
