Bul týraly Qazaqparat habarlaidy.
«Sot otyrysy 2 qarashaǵa belgilendi. Oǵan qyzdyń qorǵaýshysy Suńqar Nurmaǵambetov pen QHR-daǵy QR Elshiligi konsýldyq bóliminiń ókilderi qatysady. Aqjarqynnyń anasy bul joly kele almaidy», — dedi QHR-daǵy QR Elshiligi konsýldyq bóliminiń basshysy Bolat Syrlybaev.
Eske sala keteiik, 21 jastaǵy qazaq qyzy Aqjarqyn Turlybai 2014 jyldyń naýryz aiynda Qytaidyń Malaiziiamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeitinin málimdegen. Osy is boiynsha Qytaidyń Gýanchjoý soty Aqjarqyn Turlybaidy esirtki kontrabandasymen aiyptap, ómir boiyna bas bostandyǵynan aiyrdy.
2016 jyly 7 sáýirde apelliatsiialyq satydaǵy sot Aqjarqyn Turlybaidy ómir boiyna bas bostandyǵynan aiyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etti.
