بۇل تۋرالى قازاقپارات حابارلايدى.
«سوت وتىرىسى 2 قاراشاعا بەلگىلەندى. وعان قىزدىڭ قورعاۋشىسى سۇڭقار نۇرماعامبەتوۆ پەن قحر-داعى ق ر ەلشىلىگى كونسۋلدىق ءبولىمىنىڭ وكىلدەرى قاتىسادى. اقجارقىننىڭ اناسى بۇل جولى كەلە المايدى»، — دەدى قحر-داعى ق ر ەلشىلىگى كونسۋلدىق ءبولىمىنىڭ باسشىسى بولات سىرلىبايەۆ.
ەسكە سالا كەتەيىك، 21 جاستاعى قازاق قىزى اقجارقىن تۇرلىباي 2014 جىلدىڭ ناۋرىز ايىندا قىتايدىڭ مالايزيامەن شەكاراسىندا ەسىرتكىمەن ۇستالعان بولاتىن. ونىڭ جۇك سومكەسىنەن 4،5 كەلى ەسىرتكى تابىلدى، اقجارقىن ول تۋرالى بىلمەيتىنىن مالىمدەگەن. وسى ءىس بويىنشا قىتايدىڭ گۋانچجوۋ سوتى اقجارقىن تۇرلىبايدى ەسىرتكى كونترابانداسىمەن ايىپتاپ، ءومىر بويىنا باس بوستاندىعىنان ايىردى.
2016 جىلى 7 ساۋىردە اپەللياسيالىق ساتىداعى سوت اقجارقىن تۇرلىبايدى ءومىر بويىنا باس بوستاندىعىنان ايىرۋ جازاسىن وزگەرتۋ جانە ءىستى ءبىرىنشى ساتىداعى سوتتىڭ قاراۋىنا جىبەرۋ تۋرالى قاۋلى ەتتى.
