Aqjarqyn Turlybaı nıgerıalyq narkomafıanyń qurbany bolǵan (foto)

Dalanews 04 qar. 2016 09:29 538

«Sezimtal» qoǵamdyq qorynyń úılestirýshisi Suńqar Nurmaǵambetovtyń aıtýynsha, qazirgi ýaqytta Aqjarqyn Turlybaı sekildi qıyndyqqa tap bolǵan Ýkraına men Reseıdiń 6 azamaty Taılandta, Vetnamda jáne Fılıppınde otyr, barlyǵymen baılanys ornatylǵan.

Bul týraly QazAqparat habarlaıdy.

«Sezimtal» qoǵamdyq qorynyń úılestirýshisi Suńqar Nurmaǵambetov Esirtki quraldarynyń, psıhotroptyq zattardyń jáne olardyń prekýrsorlarynyń zańsyz aınalymyna qarsy kúres jónindegi ortalyqazıalyq aımaqtyq aqparattyq jáne úılestirý ortalyǵymen (CARICC) reseılik jáne ýkraındyq quqyq qorǵaýshylardyń jáne halyqaralyq narkosındıkat qurbandarynyń týystarynyń yntymaqtasqysy keletinin habarlady.

«Reseılik jáne ýkraındyq quqyq qorǵaýshylardyń jáne halyqaralyq narkosındıkat qurbandarynyń týystary shetelde qazaqstandyq azamattyń quqyqtaryn qorǵaýdaǵy bizdiń tájirıbemizge qyzyǵýshylyq tanytýda. Olarǵa CARICC alańy qyzyq, sebebi onda aqparattar almasyp, halyqaralyq narkobızneske qatysy bar izdeý salynǵan tulǵalar týraly málimetter banki qurylýda. Qazir olar prosedýralyq máselelerdi zerttep, «Sezimtal» qory arqyly CARICC shyǵýǵa nıetti», — dedi ol.

«Bıylǵy jyl basynda Qytaıda esirtki kontrabandasy úshin Qyrǵyzstan azamatshasyna ólim jazasy kesildi. Barlyq jerde bir shema: «Azıa-Tynyq muhıty elderinde jumys isteý usynylady (ádettegideı jaǵdaıy tómenderge). Sonymen birge, kóptegen jaǵdaıda nıgerıalyqtar qurbandarǵa brendtik, eksklúzıvti zattar tasymaldaýdy usynady», — dep atap ótti advokat.

Eske sala ketsek, 2015 jyldyń shilde aıynda Esirtki quraldarynyń, psıhotroptyq zattardyń jáne olardyń prekýrsorlarynyń zańsyz aınalymyna qarsy kúres jónindegi ortalyqazıalyq aımaqtyq aqparattyq jáne úılestirý ortalyǵy (CARICC) aqparattyq-saraptamalyq bólimshesiniń basshysy Amanjol Orazbaev Aqjarqyn Turlybaıdyń nıgerıalyq narkomafıa qurbany bolǵanyn málimdedi.

Esirtki quraldarynyń, psıhotroptyq zattardyń jáne olardyń prekýrsorlarynyń zańsyz aınalymyna qarsy kúres jónindegi ortalyqazıalyq aımaqtyq aqparattyq jáne úılestirý ortalyǵyn (CARICC) qurý týraly kelisim 2009 jyly 22 naýryzda óz kúshine endi. Onyń quryltaıshylary jáne músheleri Qazaqstan, Qyrǵyzstan, Tájikstan, Túrkmenstan, Qyrǵyzstan, Ázerbaıjan jáne Ózbekstan. Ortalyq janyndaǵy baqylaýshylar retinde Avstrıa, Aýǵanstan, Belarýs, Ulybrıtanıa, Germanıa, Italıa, Kanada, Qytaı, Pákistan, Rýmynıa, AQSH, Túrkıa, Ýkraına, Fınlándıa, Fransıa, Interpol halyqaralyq qylmystyq polısıa uıymy jáne SELEC ortalyǵy bekitilgen.

CARICC maqsaty — transulttyq esirtki qylmysyna qarsy kúreste qatysýshy-memleketterdiń quzyretti organdarynyń kúsh-jigerin úılestirý. Negizgi mindetteri — zańsyz esirtki aınalymymen kúres jónindegi halyqaralyq operasıalardy úılestirýde, uıymdastyrýda jáne ótkizýde kómek kórsetý; esirtkiniń zańsyz aınalymyna baılanysty transshekaralyq qylmys jónindegi aqparatty jınaý, saqtaý, qorǵaý, saraptaý jáne almasý.

[caption id="attachment_21189" align="aligncenter" width="700"]nıgerııskaıa mafıa nıgerııskaıa mafıa[/caption]

Usynylǵan
Sońǵy jańalyqtar