بۇل تۋرالى قازاقپارات حابارلايدى.
«Sezimtal» قوعامدىق قورىنىڭ ۇيلەستىرۋشىسى سۇڭقار نۇرماعامبەتوۆ ەسىرتكى قۇرالدارىنىڭ، پسيحوتروپتىق زاتتاردىڭ جانە ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى ورتالىقازيالىق ايماقتىق اقپاراتتىق جانە ۇيلەستىرۋ ورتالىعىمەن (CARICC) رەسەيلىك جانە ۋكرايندىق قۇقىق قورعاۋشىلاردىڭ جانە حالىقارالىق ناركوسينديكات قۇرباندارىنىڭ تۋىستارىنىڭ ىنتىماقتاسقىسى كەلەتىنىن حابارلادى.
«رەسەيلىك جانە ۋكرايندىق قۇقىق قورعاۋشىلاردىڭ جانە حالىقارالىق ناركوسينديكات قۇرباندارىنىڭ تۋىستارى شەتەلدە قازاقستاندىق ازاماتتىڭ قۇقىقتارىن قورعاۋداعى ءبىزدىڭ تاجىريبەمىزگە قىزىعۋشىلىق تانىتۋدا. ولارعا CARICC الاڭى قىزىق، سەبەبى وندا اقپاراتتار الماسىپ، حالىقارالىق ناركوبيزنەسكە قاتىسى بار ىزدەۋ سالىنعان تۇلعالار تۋرالى مالىمەتتەر بانكى قۇرىلۋدا. ءقازىر ولار پروسەدۋرالىق ماسەلەلەردى زەرتتەپ، «Sezimtal» قورى ارقىلى CARICC شىعۋعا نيەتتى»، — دەدى ول.
«بيىلعى جىل باسىندا قىتايدا ەسىرتكى كونترابانداسى ءۇشىن قىرعىزستان ازاماتشاسىنا ءولىم جازاسى كەسىلدى. بارلىق جەردە ءبىر سحەما: «ازيا-تىنىق مۇحيتى ەلدەرىندە جۇمىس ىستەۋ ۇسىنىلادى (ادەتتەگىدەي جاعدايى تومەندەرگە). سونىمەن بىرگە، كوپتەگەن جاعدايدا نيگەريالىقتار قۇرباندارعا برەندتىك، ەكسكليۋزيۆتى زاتتار تاسىمالداۋدى ۇسىنادى»، — دەپ اتاپ ءوتتى ادۆوكات.
ەسكە سالا كەتسەك، 2015 جىلدىڭ شىلدە ايىندا ەسىرتكى قۇرالدارىنىڭ، پسيحوتروپتىق زاتتاردىڭ جانە ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى ورتالىقازيالىق ايماقتىق اقپاراتتىق جانە ۇيلەستىرۋ ورتالىعى (CARICC) اقپاراتتىق-ساراپتامالىق بولىمشەسىنىڭ باسشىسى امانجول ورازبايەۆ اقجارقىن تۇرلىبايدىڭ نيگەريالىق ناركومافيا قۇربانى بولعانىن مالىمدەدى.
ەسىرتكى قۇرالدارىنىڭ، پسيحوتروپتىق زاتتاردىڭ جانە ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى ورتالىقازيالىق ايماقتىق اقپاراتتىق جانە ۇيلەستىرۋ ورتالىعىن (CARICC) قۇرۋ تۋرالى كەلىسىم 2009 جىلى 22 ناۋرىزدا ءوز كۇشىنە ەندى. ونىڭ قۇرىلتايشىلارى جانە مۇشەلەرى قازاقستان، قىرعىزستان، تاجىكستان، تۇركمەنستان، قىرعىزستان، ازەربايجان جانە وزبەكستان. ورتالىق جانىنداعى باقىلاۋشىلار رەتىندە اۆستريا، اۋعانستان، بەلارۋس، ۇلىبريتانيا، گەرمانيا، يتاليا، كانادا، جۇڭگو، پاكىستان، رۋمىنيا، اقش، تۇركيا، ۋكراينا، فينليانديا، فرانسيا، ينتەرپول حالىقارالىق قىلمىستىق پوليسيا ۇيىمى جانە SELEC ورتالىعى بەكىتىلگەن.
CARICC ماقساتى — ترانسۇلتتىق ەسىرتكى قىلمىسىنا قارسى كۇرەستە قاتىسۋشى-مەملەكەتتەردiڭ قۇزىرەتتi ورگاندارىنىڭ كۇش-جىگەرىن ۇيلەستىرۋ. نەگىزگى مىندەتتەرى — زاڭسىز ەسىرتكى اينالىمىمەن كۇرەس جونىندەگى حالىقارالىق وپەراسيالاردى ۇيلەستىرۋدە، ۇيىمداستىرۋدا جانە وتكىزۋدە كومەك كورسەتۋ؛ ەسىرتكىنىڭ زاڭسىز اينالىمىنا بايلانىستى ترانسشەكارالىق قىلمىس جونىندەگى اقپاراتتى جيناۋ، ساقتاۋ، قورعاۋ، ساراپتاۋ جانە الماسۋ.
[caption id="attachment_21189" align="aligncenter" width="700"]
نيگەرييسكايا مافيا[/caption]
