Aqyn-jazýshylar Baiandy synap tastady
Tanymal prodiýser Baian Esentaeva óziniń alǵashqy kitabyn jaryqqa shyǵarýǵa daiyndalyp jatyr. Ol tyrnaqaldy týyndysynda burynǵy kúieýimen otasqan 22 jylda basynan ótkergenin jaiyp salmaqshy. Alaida aiaq astynan qolyna qalam alyp, jazýshyǵa ainalǵan Maqsatqyzyna aqyn-jazýshylardyń aitary bar.
«Eýraziia» arnasyna bergen suhbatynda jazýshy Amanhan Álimuly opasyzdyqty elge jariia etken Esentaevany synap tastady.
– Qaltasynda qarjysy barlar kitap jaza bastady. Al shyn mánindegi aqyn-jazýshylar ekinshi planǵa ysyryldy. Mysaly, men bireýden kórgen opasyzdyǵymdy, jamandyǵymdy, bolmasa mahabbatan jolym bolmaǵandyǵyn, sátsizdikke urynǵanymdy kóz jasymdy kóldetip jazyp, sony jamandap, jaman etip kórsetip jazsam, ol eshqandai moralǵa syimaidy, – deidi «Aqiqat» jýrnalynyń bas redaktory, jazýshy Amanhan Álimuly.
Al tanymal aqyn Myrzan Kenjebai kitap shyǵarǵan Maqsatqyzynyń áreketine «baryp turǵan qylmys» dep baǵa berdi.
– Baian Esentaevanyń kitabynan meniń uldarym, meniń qyzdarym qandai ónege alady? Baian Esentaeva adam balasyna úlgi kórsetetin adam ba? Moraldyq jaǵynan onyń quqy joq. Basynan ótkenin jazyp, ony kóp danamen shyǵaryp, ony jurtqa nasihattaý degen baryp turǵan qylmys, – deidi ol.
Derekkózi: stan.kz
