اقىن-جازۋشىلار باياندى سىناپ تاستادى
تانىمال پروديۋسەر بايان ەسەنتاەۆا ٶزٸنٸڭ العاشقى كٸتابىن جارىققا شىعارۋعا دايىندالىپ جاتىر. ول تىرناقالدى تۋىندىسىندا بۇرىنعى كٷيەۋٸمەن وتاسقان 22 جىلدا باسىنان ٶتكەرگەنٸن جايىپ سالماقشى. الايدا اياق استىنان قولىنا قالام الىپ, جازۋشىعا اينالعان ماقساتقىزىنا اقىن-جازۋشىلاردىڭ ايتارى بار.
«ەۋرازييا» ارناسىنا بەرگەن سۇحباتىندا جازۋشى امانحان ەلٸمۇلى وپاسىزدىقتى ەلگە جارييا ەتكەن ەسەنتاەۆانى سىناپ تاستادى.
– قالتاسىندا قارجىسى بارلار كٸتاپ جازا باستادى. ال شىن مەنٸندەگٸ اقىن-جازۋشىلار ەكٸنشٸ پلانعا ىسىرىلدى. مىسالى, مەن بٸرەۋدەن كٶرگەن وپاسىزدىعىمدى, جاماندىعىمدى, بولماسا ماحابباتان جولىم بولماعاندىعىن, سەتسٸزدٸككە ۇرىنعانىمدى كٶز جاسىمدى كٶلدەتٸپ جازىپ, سونى جامانداپ, جامان ەتٸپ كٶرسەتٸپ جازسام, ول ەشقانداي مورالعا سىيمايدى, – دەيدٸ «اقيقات» جۋرنالىنىڭ باس رەداكتورى, جازۋشى امانحان ەلٸمۇلى.
ال تانىمال اقىن مىرزان كەنجەباي كٸتاپ شىعارعان ماقساتقىزىنىڭ ەرەكەتٸنە «بارىپ تۇرعان قىلمىس» دەپ باعا بەردٸ.
– بايان ەسەنتاەۆانىڭ كٸتابىنان مەنٸڭ ۇلدارىم, مەنٸڭ قىزدارىم قانداي ٶنەگە الادى? بايان ەسەنتاەۆا ادام بالاسىنا ٷلگٸ كٶرسەتەتٸن ادام با? مورالدىق جاعىنان ونىڭ قۇقى جوق. باسىنان ٶتكەنٸن جازىپ, ونى كٶپ دانامەن شىعارىپ, ونى جۇرتقا ناسيحاتتاۋ دەگەن بارىپ تۇرعان قىلمىس, – دەيدٸ ول.
دەرەككٶزٸ: stan.kz
