Bul sýyt habardy Facebook áleýmettik jelisinde Janar Jandosova habarlady.
[perfectpullquote align="full" bordertop="false" cite="" link="" color="" class="" size=""]"2024 jyldyń 14-qańtarynda 89-ǵa qaraǵan shaǵynda aqyn Iliias Jansúgirov pen Fatima Ǵabitovanyń qyzy, qoǵam qairatkeri Sanjar Jandosovtyń jubaiy, daryndy ustaz, qaisar áiel Ilfa Iliiasqyzy Jandosova-Jansúgirova ómirden ozdy.
Ilfa Iliiasqyzy 1935 jyly 29 mamyrda Almatyda týǵan, biraq 1937 jyly, nebary 2 jasynan bastap, "halyq jaýy otbasynyń" múshesi retinde astanadan alastatylyp, búkil Qazaqstan dalasyn aralap, kóship ketýge májbúr boldy, soǵys jyldarynda Jambyl oblysynyń Merki aýylynda turaqtady. Tek 1950-jyldardyń basynda ǵana Almatyǵa qaita oralǵan Ilfa Jansúgirova Shet tilderi institýtyna oqýǵa túsedi, ony bitirgen soń Q.Sátbaev atyndaǵy politehnikalyq institýtta, Abai atyndaǵy Qazaq pedagogikalyq institýynda nemis tili pániniń oqytýshysy bolyp, QazSSR Pedagogikalyq qoǵamynyń Ǵalym hatshysy, sonymen qatar QazSSR Ǵylym akademiiasynyń shet tilder kafedrasynyń oqytýshysy bolyp jumys istedi.
1958 jyly Ilfa Iliiasqyzy Sanjar Orazuly Jandosovqa turmysqa shyǵady, ekeýi bes balany ósirdi. Ilfa Jandosova tek batyr ana, joǵary bilikti ustaz ǵana emes, 34 jyl ǵumyryn birge ótkizgen ómirlik qosaǵy, 1992 jyly qaiǵyly qazaǵa ushyraǵan memleket jáne qoǵam qairatkeri S.Jandosovtyń senimdi serigi de bola bildi. 1999 jyly ol Iliias Jansúgirov qoǵamdyq qoryn quryp, onyń jumysyn ózi basqardy. Qor Iliias pen Fatima Ǵabitovanyń shyǵarmashylyq murasyn jinaqtap, zerdelep, aýdaryp, basyp shyǵardy, mektepter men mýzeilerge qamqorlyq kórsetip otyrdy. I.Jandosova-Jansúgirova "Taǵdyrymnyń izderi" atty estelikter jinaǵyn shyǵardy. Ómiriniń sońǵy saǵattaryna deiin Ilfa Iliiasqyzy Qazaqstandaǵy azamattyq qozǵalystar men olardyń belsendilerin qoldaýmen ótti.
Qymbatty jaqyn-juraǵat, dos-jaran, anamyz Ilfa Iliiasqyzynyń kózin kórgen barsha qaýym. Qonaqasy dastarhany 16 qańtar, saǵat 18.00-de "Juldyz" meiramhanasynda jaiylady. Qoshtasý (shyǵarý) 17 qańtar, saǵat 10.00-de úide (Shevchenko k-si, 5 úi, 5 páterde, as namazy sol kúni, saǵat 12.00-de "Juldyz" meiramhanasynda oqylady. [/perfectpullquote]
Aita keteiik, Iliias Jansúgirov – aqyn, dramashy, prozashy, qazaq ádebietiniń negizin qalaýshylardyń biri. Onyń qalamynan týǵan «Kúi», «Dala», «Kúishi», «Qulager» siiaqty on beske jýyq kólemdi poema qazaq poeziiasynyń injý marjany sanalady.
