Kásiporyn basshylyǵy kompanıa qoımasynda ekskýrsıa uıymdastyrdy, onda «aqjoldyqtar» kompanıanyń jobalarymen jáne jumys jaǵdaılarymen tanysty.
Saılaýaldy úgit-nasıhat naýqany aıasynda Azat Perýashev «KBT Group» jastar ujymyna «Túbegeıli ózgerister qajet» saılaýaldy baǵdarlamasy týraly aıtyp berdi.
– Jastardyń erkin tańdaý jasaýlaryna múmkindik bolýy kerek. Erkin oılaý men tańdaýdan shektegen jaǵdaıda jastarǵa zorlyq-zombylyq jasaǵanmen teń. Mundaı urpaǵy bar ult basqalardy aldaý men olarǵa baǵynýǵa májbúr bolady. Qazaqstanǵa erkin, myqty ári ózine senimdi jastar qajet. Osydan bir ǵasyr buryn, alashtyń ardaqty aqyny Maǵjan Jumabaıuly «Men jastarǵa senemin» dep jyrlap ketti. Al bizder, júz jyl ótken soń nelikten sol jastarǵa senbeımiz? Nelikten olardyń óz tańdaýyna kedergi jasaımyz? «Aq jol» demokratıalyq partıasy jastardyń tańdaý erkindigi men adamdyq qadir-qasıetin qorǵaýdy talap etedi, – dep atap ótti Azat Perýashev.
«Aq jol» basshysy partıanyń jas qazaqstandyqtardy turǵyn úımen qamtamasyz etý jónindegi bastamalary týraly aıtty. Oǵan jataqhanalar salý qajettiligi týraly jáne ár balanyń týylýymen ıpotekany sýbsıdıalaý boıynsha usynystar jatady. «Aq joldyń» úgit-nasıhat toby jas saılaýshylardy demokratıalyq partıanyń bıznesti qoldaý boıynsha aǵymdaǵy jumysy men baǵdarlamalyq mindetteri týraly habardar etti.
– Pandemıanyń kesirinen týyndaǵan máselelerdi retke keltirý úshin «Aq jol» partıasy salyq amnıstıasyn júrgizýdi, shaǵyn jáne orta bıznesti tólem qabilettiligi tolyq qalpyna kelgenshe salyq tóleýden bosatýdy, mıkrobıznes pen «ózin-ózi jumyspen qamtyǵan» halyqty salyqtan tolyq bosatýdy usyndy. Bul adamdarǵa ózderi jumys taýyp, eńbek etip júrgenderi, memleketke alashan jaıyp otyrmaǵany jáne óz otbasylaryn asyrap jatqandary úshin alǵys aıtý kerek, – dep atap ótti A.Perýashev.
Sonymen qatar, ol partıanyń Ulttyq banktiń paıyzdyq mólsherlemesin 4-5%-ǵa deıin tómendetý, keıinnen ekinshi deńgeıli bankterdiń kredıtteri boıynsha da paıyzdardy tómendetý jónindegi usynystary týraly eske saldy.
«Eldiń áleýmettik-ekonomıkalyq jáne saıası júıelerine túbegeıli ózgerister qajet» dedi «aqjoldyqtar». Osylaıshy partıa músheleri jastardy 2021 jyldyń 10 qańtarynda daýys berýge qatysýǵa shaqyrady.
«Aq joldyń» úgit-nasıhat naýqany jalǵasýda, demokratıalyq partıa óziniń baǵdarlamalyq mindetterin júzege asyrý jáne saılaýshylardan kelip túsken ótinishter boıynsha jumysyn jalǵastyrýda.
(Materıal aqysy «Aq jol» partıasynyń saılaý qory qarjysy esebinen tólendi)
