– Elimizdiń saiasi júiesi túbegeili ózgeristerdi qajet etedi. Bul ózgerister eldiń ál-aýqatyn arttyrýǵa baǵyttalýy tiis.
Atap aitqanda, "Aq jol" partiiasynyń basty maqsaty – árbir azamattyń erkin damýyna qajetti jaǵdai jasaý, onyń quqyqtary men bostandyqtaryn qurmetteýge, barlyq qazaqstandyqtardyń ómir súrý deńgeii men sapasyn udaiy kóterýge baǵyttalǵan. Sondai-aq, bizdiń partiia Qazaqstan qoǵamy men memleketiniń ekonomikalyq, áleýmettik jáne saiasi órleýi úshin qyzmet etedi, – dedi Azat Perýashev.
Halyqpen kezdesýde Qazybek Isa «Aq jol» partiiasy ulttyq memlekettiliktiń qalyptasýynyń irgeli negizin qalaǵan Alash qozǵalysynyń izbasary ekenin, qazaq qoǵamyn eýropalyq jolmen jańǵyrtýdy, álemdik órkeniettiń ozyq jetistikterimen ulttyq múddelerdi toǵystyrýdy maqsat etkenin atap ótti.
Baǵdarlamanyń negizgi alty qaǵidatyn ataǵan aqjoldyqtar jemqorlyqpen kúres, áleýmettik ádilettilik, aýyldy ipotekalyq nesielendirý, aýyl jastaryn qoldaý jáne meditsinalyq saqtandyrý boiynsha jinalǵandardyń saýaldaryna jaýap berdi.
Turǵyndardyń máseleleri men usynystaryn muqiiat tyńdaǵannan keiin «Aq jol» partiiasynyń Respýblikalyq shtab músheleri Aqtóbe qalasyna at basyn burdy.
Partiia basshysy men «Aq jol» shtabynyń músheleri Aqtóbe qalasynda ornalasqan «Atameken» UKP kásipkerlerimen kezdesti. Jiynda «Aq jol» partiiasynyń tóraǵasy Azat Perýashev kásipkerlerdi tolǵandyrǵan máselelerdi kóterdi.
– «Aq jol» dempartiiasy – kásipkerler men otandyq óndirýshilerdiń ókili. Biz biznestiń múddesin qorǵaý úshin jumys isteimiz. Maqsatymyz – sizder siiaqty óz isin damytyp, otbasyn asyrap, jumys oryndarynyń ashylýyna úles qosyp júrgen azamattarymyzǵa qoldaý kórsetý.
Búginde eldiń eń úlken máselesi – bailar men kedeiler arasyndaǵy alshaqtyq. Bul máseleni tolyqqandy orta tapty qalyptastyrý arqyly sheshýge bolady.
Biznestiń jumysyna kedergi keltirý arqyly emes, azamattardyń tabysyn arttyrý arqyly halyqty áleýmettik qorǵaýdy qamtamasyz etý mańyzdy. Bul máseleniń sheshimin osylai ǵana taba alamyz, – dedi Azat Perýashev.
Jiynǵa qatysýshylar partiianyń saiasi baǵdarlamasyn qoldap, bizneske qolaily jaǵdai jasaýǵa jáne ádil salyq salýǵa yqpal etetin jańa zańdar men bastamalardy ázirleýde ShOB múddelerin ilgeriletip otyrǵany úshin «Aq jol» dempartiiasyna alǵys bildirdi.
Sol kúni «Aq jol» shtaby «Dulat» JShS jabyndy zaýyty men «Global» JShS jumys kiimderin shyǵaratyn ónerkásiptik ortalyqtyń eńbek ujymdarymen kezdesti.
Kezdesýlerde Respýblikalyq shtab ókilderi kásiporyndardyń jumysymen tanysyp, ózekti máselelerdi talqylap, qyzmetkerlerdiń suraqtaryna jaýap berdi. Respýblikalyq shtab músheleri sailaýshylardyń usynystaryn nazarǵa alyp, 19 naýryz kúni «Aq jol» dempartiiasyn qoldaý úshin sailaý ýchaskelerine kelýge shaqyrdy.
*Materialdyń aqysy «Aq jol» demokratiialyq partiiasynyń sailaý qorynan tólendi.
https://dalanews.kz/news/86933-azat-peruashev-munay-kompaniiasy-men-sh
