– ەلىمىزدىڭ ساياسي جۇيەسى تۇبەگەيلى وزگەرىستەردى قاجەت ەتەدى. بۇل وزگەرىستەر ەلدىڭ ءال-اۋقاتىن ارتتىرۋعا باعىتتالۋى ءتيىس.
اتاپ ايتقاندا، "اق جول" پارتياسىنىڭ باستى ماقساتى – ءاربىر ازاماتتىڭ ەركىن دامۋىنا قاجەتتى جاعداي جاساۋ، ونىڭ قۇقىقتارى مەن بوستاندىقتارىن قۇرمەتتەۋگە، بارلىق قازاقستاندىقتاردىڭ ءومىر ءسۇرۋ دەڭگەيى مەن ساپاسىن ۇدايى كوتەرۋگە باعىتتالعان. سونداي-اق، ءبىزدىڭ پارتيا قازاقستان قوعامى مەن مەملەكەتىنىڭ ەكونوميكالىق، الەۋمەتتىك جانە ساياسي ورلەۋى ءۇشىن قىزمەت ەتەدى، – دەدى ازات پەرۋاشيەۆ.
حالىقپەن كەزدەسۋدە قازىبەك يسا «اق جول» پارتياسى ۇلتتىق مەملەكەتتىلىكتىڭ قالىپتاسۋىنىڭ ىرگەلى نەگىزىن قالاعان الاش قوزعالىسىنىڭ ءىزباسارى ەكەنىن، قازاق قوعامىن ەۋروپالىق جولمەن جاڭعىرتۋدى، الەمدىك وركەنيەتتىڭ وزىق جەتىستىكتەرىمەن ۇلتتىق مۇددەلەردى توعىستىرۋدى ماقسات ەتكەنىن اتاپ ءوتتى.
باسقوسۋدا پارتيا اتىنان ساياسي دوداعا ءتۇسىپ جاتقان كانديداتتار «اق جول» پارتياسىنىڭ ساياسي باعدارلاماسىن تانىستىرىپ، پارلامەنتتە اتقارىلعان جۇمىستارىنا توقتالدى.
باعدارلامانىڭ نەگىزگى التى قاعيداتىن اتاعان اقجولدىقتار جەمقورلىقپەن كۇرەس، الەۋمەتتىك ادىلەتتىلىك، اۋىلدى يپوتەكالىق نەسيەلەندىرۋ، اۋىل جاستارىن قولداۋ جانە مەديسينالىق ساقتاندىرۋ بويىنشا جينالعانداردىڭ ساۋالدارىنا جاۋاپ بەردى.
تۇرعىنداردىڭ ماسەلەلەرى مەن ۇسىنىستارىن مۇقيات تىڭداعاننان كەيىن «اق جول» پارتياسىنىڭ رەسپۋبليكالىق شتاب مۇشەلەرى اقتوبە قالاسىنا ات باسىن بۇردى.
پارتيا باسشىسى مەن «اق جول» شتابىنىڭ مۇشەلەرى اقتوبە قالاسىندا ورنالاسقان «اتامەكەن» ۇكپ كاسىپكەرلەرىمەن كەزدەستى. جيىندا «اق جول» پارتياسىنىڭ ءتوراعاسى ازات پەرۋاشيەۆ كاسىپكەرلەردى تولعاندىرعان ماسەلەلەردى كوتەردى.
– «اق جول» دەمپارتياسى – كاسىپكەرلەر مەن وتاندىق وندىرۋشىلەردىڭ وكىلى. ءبىز بيزنەستىڭ مۇددەسىن قورعاۋ ءۇشىن جۇمىس ىستەيمىز. ماقساتىمىز – سىزدەر سياقتى ءوز ءىسىن دامىتىپ، وتباسىن اسىراپ، جۇمىس ورىندارىنىڭ اشىلۋىنا ۇلەس قوسىپ جۇرگەن ازاماتتارىمىزعا قولداۋ كورسەتۋ.
بۇگىندە ەلدىڭ ەڭ ۇلكەن ماسەلەسى – بايلار مەن كەدەيلەر اراسىنداعى الشاقتىق. بۇل ماسەلەنى تولىققاندى ورتا تاپتى قالىپتاستىرۋ ارقىلى شەشۋگە بولادى.
بيزنەستىڭ جۇمىسىنا كەدەرگى كەلتىرۋ ارقىلى ەمەس، ازاماتتاردىڭ تابىسىن ارتتىرۋ ارقىلى حالىقتى الەۋمەتتىك قورعاۋدى قامتاماسىز ەتۋ ماڭىزدى. بۇل ماسەلەنىڭ شەشىمىن وسىلاي عانا تابا الامىز، – دەدى ازات پەرۋاشيەۆ.
جيىنعا قاتىسۋشىلار پارتيانىڭ ساياسي باعدارلاماسىن قولداپ، بيزنەسكە قولايلى جاعداي جاساۋعا جانە ءادىل سالىق سالۋعا ىقپال ەتەتىن جاڭا زاڭدار مەن باستامالاردى ازىرلەۋدە شوب مۇددەلەرىن ىلگەرىلەتىپ وتىرعانى ءۇشىن «اق جول» دەمپارتياسىنا العىس ءبىلدىردى.
سول كۇنى «اق جول» شتابى «Dulat» ج ش س جابىندى زاۋىتى مەن «گلوبال» ج ش س جۇمىس كيىمدەرىن شىعاراتىن ونەركاسىپتىك ورتالىقتىڭ ەڭبەك ۇجىمدارىمەن كەزدەستى.
كەزدەسۋلەردە رەسپۋبليكالىق شتاب وكىلدەرى كاسىپورىنداردىڭ جۇمىسىمەن تانىسىپ، وزەكتى ماسەلەلەردى تالقىلاپ، قىزمەتكەرلەردىڭ سۇراقتارىنا جاۋاپ بەردى. رەسپۋبليكالىق شتاب مۇشەلەرى سايلاۋشىلاردىڭ ۇسىنىستارىن نازارعا الىپ، 19 ناۋرىز كۇنى «اق جول» دەمپارتياسىن قولداۋ ءۇشىن سايلاۋ ۋچاسكەلەرىنە كەلۋگە شاقىردى.
*ماتەريالدىڭ اقىسى «اق جول» دەموكراتيالىق پارتياسىنىڭ سايلاۋ قورىنان تولەندى.
https://dalanews.kz/news/86933-azat-peruashev-munay-kompaniiasy-men-sh
