Almaty oblysy, Talǵar aýdany, Besaǵash aýylynda «Aq bıdaı» VIII respýblıkalyq aýyl sport oıyndary aıasyndaǵy toǵyzqumalaqtan jarystar márege jetti. Ulttyq zıatkerlik oıyn sheberleri ózara myqtylardy anyqtaý úshin bir apta saıysqa tústi. Almaty oblysynda 16–21 qyrkúıek aralyǵynda ótken aýyl sport túrlerinen elishilik jarys tartysty ótti.
Jarysty QR Týrızm jáne sport mınıstrligi men Almaty oblysynyń dene shynyqtyrý jáne sport basqarmasy uıymdastyrdy.
Bul dodaǵa toǵyzqumalaqtan elimizdiń 16 oblysynan (Soltústik Qazaqstannan basqa) 123 sportshy qatysty. Onyń ishinde halyqaralyq dárejedegi sport sheberi – 1, sport sheberi – 16, sport sheberligine úmitker – 64 jáne 42 birinshi men ekinshi razrádty sportshylar baq synady. Jarys shveısar júıesi boıynsha 7 týrdan turady. Bul sharanyń uıymdastyrý jumystaryna Almaty oblystyq toǵyzqumalaq sporty federasıasynyń ujymy belsendi atsalysty.
Jeke esep qorytyndysy
Erler arasynda
• 1 taqta: İ oryn – Salman Ersultan (Túrkistan oblysy)
• 2 taqta: İ oryn – Kenjeǵalıev Bektas (BQO)
• 3 taqta: İ oryn – Djýnebaev Parahat (Mańǵystaý oblysy)
• 4 taqta: İ oryn – Norlan Oljas (Pavlodar oblysy)
Qyzdar arasynda
• 1 taqta: İ oryn – Satybaldy Aqnur (Almaty oblysy)
• 2 taqta: İ oryn – Saýytbek Aıdana (Almaty oblysy)
• 3 taqta: İ oryn – Qusaıynova Araılym (Atyraý oblysy)
• 4 taqta: İ oryn – Sálimǵalı Qaraqat (BQO)
Komandalyq esep
Erler komandalary boıynsha:
1 oryn Qyzylorda oblysy
2 oryn Pavlodar oblysy
3 oryn Túrkistan oblysy
Qyzdar komandalary boıynsha:
1 oryn Almaty oblysy
2 oryn Batys Qazaqstan oblysy
3 oryn Qaraǵandy oblysy
Bul jarys aýyl sportshylary arasyndaǵy eń iri respýblıkalyq doda retinde toǵyzqumalaqtyń damýyna jáne ulttyq sportty nasıhattaýǵa zor úles qosty.
