الماتى وبلىسى، تالعار اۋدانى، بەساعاش اۋىلىندا «اق بيداي» VIII رەسپۋبليكالىق اۋىل سپورت ويىندارى اياسىنداعى توعىزقۇمالاقتان جارىستار مارەگە جەتتى. ۇلتتىق زياتكەرلىك ويىن شەبەرلەرى ءوزارا مىقتىلاردى انىقتاۋ ءۇشىن ءبىر اپتا سايىسقا ءتۇستى. الماتى وبلىسىندا 16–21 قىركۇيەك ارالىعىندا وتكەن اۋىل سپورت تۇرلەرىنەن ەلىشىلىك جارىس تارتىستى ءوتتى.
جارىستى ق ر تۋريزم جانە سپورت مينيسترلىگى مەن الماتى وبلىسىنىڭ دەنە شىنىقتىرۋ جانە سپورت باسقارماسى ۇيىمداستىردى.
بۇل دوداعا توعىزقۇمالاقتان ەلىمىزدىڭ 16 وبلىسىنان (سولتۇستىك قازاقستاننان باسقا) 123 سپورتشى قاتىستى. ونىڭ ىشىندە حالىقارالىق دارەجەدەگى سپورت شەبەرى – 1، سپورت شەبەرى – 16، سپورت شەبەرلىگىنە ۇمىتكەر – 64 جانە 42 ءبىرىنشى مەن ەكىنشى رازريادتى سپورتشىلار ب ا ق سىنادى. جارىس شۆەيسار جۇيەسى بويىنشا 7 تۋردان تۇرادى. بۇل شارانىڭ ۇيىمداستىرۋ جۇمىستارىنا الماتى وبلىستىق توعىزقۇمالاق سپورتى فەدەراسياسىنىڭ ۇجىمى بەلسەندى اتسالىستى.
جەكە ەسەپ قورىتىندىسى
ەرلەر اراسىندا
• 1 تاقتا: ءى ورىن – سالمان ەرسۇلتان (تۇركىستان وبلىسى)
• 2 تاقتا: ءى ورىن – كەنجەعالييەۆ بەكتاس (بقو)
• 3 تاقتا: ءى ورىن – دجۋنەبايەۆ پاراحات (ماڭعىستاۋ وبلىسى)
• 4 تاقتا: ءى ورىن – نورلان ولجاس (پاۆلودار وبلىسى)
قىزدار اراسىندا
• 1 تاقتا: ءى ورىن – ساتىبالدى اقنۇر (الماتى وبلىسى)
• 2 تاقتا: ءى ورىن – ساۋىتبەك ايدانا (الماتى وبلىسى)
• 3 تاقتا: ءى ورىن – قۇسايىنوۆا ارايلىم (اتىراۋ وبلىسى)
• 4 تاقتا: ءى ورىن – ءسالىمعالي قاراقات (بقو)
كوماندالىق ەسەپ
ەرلەر كوماندالارى بويىنشا:
1 ورىن قىزىلوردا وبلىسى
2 ورىن پاۆلودار وبلىسى
3 ورىن تۇركىستان وبلىسى
قىزدار كوماندالارى بويىنشا:
1 ورىن الماتى وبلىسى
2 ورىن باتىس قازاقستان وبلىسى
3 ورىن قاراعاندى وبلىسى
بۇل جارىس اۋىل سپورتشىلارى اراسىنداعى ەڭ ءىرى رەسپۋبليكالىق دودا رەتىندە توعىزقۇمالاقتىڭ دامۋىنا جانە ۇلتتىق سپورتتى ناسيحاتتاۋعا زور ۇلەس قوستى.
