Liýbov Shaýkalova keshe 5 qyrkúiek kúni №83 mekteptiń aýlasynda stýdent qyzdy zorlamaq bolǵan jábirleýshini ustap, qaiǵynyń aldyn alǵan bolatyn.
Mektep sharýashylyǵynyń qyzmetkerin marapattaǵan Bilim basqarmasynyń basshysy onyń qyraǵylyǵy men jaýapkershiligin erekshe atap ótti.
«Ol mektepte, bilim berý uiymynda isteitin adam retinde óziniń azamattyq ustanymyn kórsetti. Biz mektepte osyndai adamdardyń jumys isteitinine qýanyshtymyz. Bul barlyq mektepterge úlgi, qaida jáne kim bolyp jumys isteseń de, balalardyń ómiri úshin jaýaptysyń», - dedi Janǵozin.
Liýbov Shaýkalovanyń aitýynsha, onyń orynda bolsa kez kelgen adam solai ister edi.
«Men sol ýaqytta kerek jerden tabyldym. Keremet eshteńe istegen joqpyn. Ózimdi batyr sanamaimyn», - dedi ol.
Búginde ata-analar mektep basshylyǵyna qaýipsizdik sharalaryn kúsheitýdi surap, ótinish jazǵan.
«Biz mektep kúzetterin kúsheitemiz. Múmkin, beketter sanyn kóbeitetin shyǵarmyz. Mektep direktorlarymen kezdesip, máseleni talqylaimyz», - dedi Ánýar Janǵozin.
