Antikordyń burynǵy basshysy Talǵat Tatýbaev isine qatysty taǵy bir derek shyqty, dep habarlaidy Dalanews.kz.
Tengrinews.kz Bas prokýratýraǵa resmi saýal joldaǵan.
"Sotaldy tergeý jalǵasyp, qosymsha dálel jinaýǵa baǵyttalǵan tergeý áreketteri júrgizilip jatyr", - dep jazylǵan jaýapta.
Eske salaiyq, buǵan deiin Antikordyń burynǵy basshysy Talǵat Tatýbaev ustalǵany rastaldy. Bul aqparatty Bas prokýratýra rastady.
"3 shildede Qylmystyq kodekstiń 146-baby 2-bóliginiń 1), 2) tarmaqtarynda kózdelgen qylmysty (azaptaý) jasady degen kúdikpen Sybailas jemqorlyqqa qarsy is-qimyl ulttyq biýrosynyń burynǵy basshysy T.M. Tatýbaev ustaldy", - dep jazylǵan buǵan deiingi habarlamada.
Elmedia basylymynyń derekkózine súiensek, Talǵat Tatýbaevqa "BTA bank" qyzmetkerlerine qatysty azaptaý tásilderin qoldandy degen aýyr aiyp taǵylyp otyr. Bul derek burynnan beri quqyq qorǵaýshylar men advokattar tarapynan kóterilip kele jatqan, bank aktivteri úshin bolǵan qaqtyǵys kezeńindegi iri istiń jalǵasy bolýy múmkin.
