«Antikorda isteimin!». Qyzmettik kýálikti jasatyp alǵan azamat ustaldy
Qyzylorda qalalyq politsiia basqarmasy jedel basqarý ortalyǵynyń beinekamerasy qaladaǵy ortalyq kóshelerdiń birinde avtokólik iesiniń jol erejesin buzǵanyn anyqtady.
Bul boiynsha politseilerge baǵyt-baǵdar berilip, kólik toqtatyldy. «Patrýldik politsiia qyzmetkerleri kólik iesin toqtatqan sátte júrgizýshi ózin «Antikordyń qyzmetkerimin» dep tanystyryp, qyzmettik kýáligin usynǵan. Tekserý barysynda qyzmettik kýáliktiń jalǵan ekendigi anyqtaldy. Aiǵaqty zattar alyndy. Atalǵan derek boiynsha QR Qylmystyq kodeksiniń 385-babynyń 3-bóligimen tergeý júrip jatyr. Kúdiktige qatysty eshqaida ketpeý jáne tiisti minez-qulyq týraly qolhat túrinde bultartpaý sharasy tańdaldy. Politseiler oqiǵanyń mán-jaiyn anyqtaýda» dep málim etti basqarmadan.
Vedomstvo málimetinshe, atalǵan júrgizýshige qatysty QR Ákimshilik quqyq buzýshylyq týraly kodeksiniń 593-babynyń 2-bóligi boiynsha ákimshilik hattama toltyrylǵan.
