Antikor «Astana LRT» JShS-nyń burynǵy basqarma tóraǵasyn jaýap alýǵa shaqyrady, - dep habarlaidy Dalanews.kz.
Qazaqstan Respýblikasynyń Sybailas jemqorlyqqa qarsy is-qimyl agenttigi «Astana LRT» JShS-nyń burynǵy basqarma tóraǵasy Talǵat Ardanǵa qatysty qylmystyq isti tergeýde.
Qazirgi ýaqytta tergeý nátijesinde aýyr qylmys jasaýda jinalǵan dálelder kúdikti Talǵat Ardan áreketterin QR Qylmystyq Kodeksiniń 361-baby 4-bóligi 3-tarmaǵy boiynsha saralaýǵa múmkindik berdi.
QR Qylmystyq-protsestik kodeksiniń 208-baby 1-bóligine sáikes kúdikti jaýap alýǵa shaqyrylady.
Alaida, kúdikti Talǵat Ardan Qazaqstan Respýblikasynan tys jerde bolýyna jáne kelýden jaltarýyna bailanysty Sybailas jemqorlyqqa qarsy qyzmet QR QPK-niń 205-babynyń 3-bóligin basshylyqqa ala otyryp, kúdiktini shaqyrý týraly habarlamany buqaralyq aqparat quraldarynda jariialaidy.
Jaýap alý jáne kúdiktiniń is-áreketin saralaý týraly qaýlyny jariialaý úshin Talǵat Ardan 2024 jyly 23 tamyzda saǵat 09:00-de Qazaqstan Respýblikasy, Astana qalasy, Qabanbai batyr dańǵyly, 19, «B» blogy mekenjaiynda ornalasqan Qazaqstan Respýblikasy Sybailas jemqorlyqqa qarsy is-qimyl agenttiginiń ákimshilik ǵimaratyna jedel-tergeý tobynyń basshysy J. Ótepqalievke kelý qajet.
Kúdikti tergeý áreketterine qatysý úshin qorǵaýshyny derbes shaqyrýǵa ne qylmystyq protsesti júrgizýshi organnyń qorǵaýshynyń qatysýyn qamtamasyz etý týraly ótinishhat berýge quqyly (QR QPK 68-baby).
Eger qorǵaýshyny kúdikti nemese onyń zańdy ókilderi, sondai-aq olardyń tapsyrmalary boiynsha basqa adamdar shaqyrmasa, qorǵaýshynyń qatysýyn qylmystyq protsesti júrgizetin organ qamtamasyz etedi (QR QPK 67-baby).
