انتيكور «Astana LRT» جشس-نىڭ بۇرىنعى باسقارما ءتوراعاسىن جاۋاپ الۋعا شاقىرادى، - دەپ حابارلايدى Dalanews.kz.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى «Astana LRT» جشس-نىڭ بۇرىنعى باسقارما ءتوراعاسى تالعات اردانعا قاتىستى قىلمىستىق ءىستى تەرگەۋدە.
قازىرگى ۋاقىتتا تەرگەۋ ناتيجەسىندە اۋىر قىلمىس جاساۋدا جينالعان دالەلدەر كۇدىكتى تالعات اردان ارەكەتتەرىن ق ر قىلمىستىق كودەكسىنىڭ 361-بابى 4-بولىگى 3-تارماعى بويىنشا سارالاۋعا مۇمكىندىك بەردى.
ق ر قىلمىستىق-پروسەستىك كودەكسىنىڭ 208-بابى 1-بولىگىنە سايكەس كۇدىكتى جاۋاپ الۋعا شاقىرىلادى.
الايدا، كۇدىكتى تالعات اردان قازاقستان رەسپۋبليكاسىنان تىس جەردە بولۋىنا جانە كەلۋدەن جالتارۋىنا بايلانىستى سىبايلاس جەمقورلىققا قارسى قىزمەت ق ر قپك-نىڭ 205-بابىنىڭ 3-بولىگىن باسشىلىققا الا وتىرىپ، كۇدىكتىنى شاقىرۋ تۋرالى حابارلامانى بۇقارالىق اقپارات قۇرالدارىندا جاريالايدى.
جاۋاپ الۋ جانە كۇدىكتىنىڭ ىس-ارەكەتىن سارالاۋ تۋرالى قاۋلىنى جاريالاۋ ءۇشىن تالعات اردان 2024 جىلى 23 تامىزدا ساعات 09:00-دە قازاقستان رەسپۋبليكاسى، استانا قالاسى، قابانباي باتىر داڭعىلى، 19، «ب» بلوگى مەكەنجايىندا ورنالاسقان قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ اكىمشىلىك عيماراتىنا جەدەل-تەرگەۋ توبىنىڭ باسشىسى ج. وتەپقالييەۆكە كەلۋ قاجەت.
كۇدىكتى تەرگەۋ ارەكەتتەرىنە قاتىسۋ ءۇشىن قورعاۋشىنى دەربەس شاقىرۋعا نە قىلمىستىق پروسەستى جۇرگىزۋشى ورگاننىڭ قورعاۋشىنىڭ قاتىسۋىن قامتاماسىز ەتۋ تۋرالى ءوتىنىشحات بەرۋگە قۇقىلى (ق ر قپك 68-بابى).
ەگەر قورعاۋشىنى كۇدىكتى نەمەسە ونىڭ زاڭدى وكىلدەرى، سونداي-اق ولاردىڭ تاپسىرمالارى بويىنشا باسقا ادامدار شاقىرماسا، قورعاۋشىنىڭ قاتىسۋىن قىلمىستىق پروسەستى جۇرگىزەتىن ورگان قامتاماسىز ەتەدى (ق ر قپك 67-بابى).
