Oblystyq qylmystyq-atqarý júiesi departamentiniń qyzmetkerleri sottaldy,- dep habarlaidy Dalanews.kz.
Óskemen qalasynyń soty oblystyq Qylmystyq-atqarý júiesi departamenti qyzmetkerlerine qatysty úkimdi jariialady.
№17 mekeme bastyǵynyń buryńǵy orynbasary men aǵa inspektor jyljymaityn múliktiń joqtyǵy týraly turǵyn úi komissiiasyna ádeii jalǵan málimetter berý arqyly 5,8 mln teńge kólemindegi qarajatty urlaǵany úshin kináli dep tanyldy.
Olarǵa 3 jyl 6 ai merzimge bas bostandyǵynan aiyrý jáne memlekettik qyzmet pen kvazimemlekettik sektorda laýazym atqarý quqyǵynan ómir boiyna aiyrý jazasy taǵaiyndaldy.
Sottalǵandar ádilet maiory men leitenanty arnaiy ataqtarynan aiyryldy.
Sot úkimi zańdy kúshine endi.
