Ishki ister organdarynyń qyzmetkerleri júieli jemqorlyq úshin sottaldy, - dep habarlaidy Dalanews.kz.
Mamyrda ishki ister organdarynyń basshylary sottalǵan. Óskemen qalasynyń soty qalalyq basqarmanyń ákimshilik politsiia bóliminiń bastyǵy A.A. Ternopolskiige jáne basqa adamdarǵa qatysty para alý derekteri boiynsha úkim shyǵardy.
Ol júieli negizde mamandandyrylǵan turaqtardan avtokólik quraldaryn zańsyz bergeni úshin 20-dan 50 myń teńgege deiingi somada para alǵan. Sot úkimimen oǵan "politsiia podpolkovnigi" arnaiy ataǵynan aiyra otyra aiyppul salyndy.
Sonymen qatar, osy úkimmen paraqorlyqqa deldaldyq jasaǵany úshin Óskemen qalasy PB patrýldik politsiia batalony vzvodynyń komandiri R.A. Baitanbaliev jáne ShQO PD ÁPB inspektory M.B. Erbakov, sondai-aq, kómek kórsetkeni úshin №5 órt sóndirý bóliminiń qaraýyl bastyǵy D.T. Biekenov sottaldy.
Aiyppuldardyń jalpy somasy 22 million teńgeden asty. QR QK 41-babyna sáikes aiyppul belgilengen merzimde tólenbegen jaǵdaida jaza sharasy bas bostandyǵynan aiyrýǵa aýystyrylady.
Astana qalasynyń qylmystyq ister jónindegi aýdanaralyq soty Esil aýdany PB anyqtaý bóliminiń bastyǵy E.Jumanovty 5 jylǵa shartty túrde sottady.
Ol aýyr qylmys jasaǵan aiyptalýshyny qylmystyq jaýapkershilikten zańsyz bosatqany jáne dáleldemelerdi burmalaǵany úshin kináli dep tanyldy. Úkimder zańdy kúshine endi.
Aqtóbe oblysynyń aýdandyq sotymen oblystyq politsiia departamenti Mártók aýdandyq politsiia bólimi bastyǵynyń orynbasary A.M. Erǵaliev 5 jyl 6 aiǵa bas bostandyǵynan aiyryldy.
Ol memleketke 243 million teńgeden asa somaǵa zalal keltirýge ákep soqqan zattai dáleldemelerdi (612 myńnan astam qorap temeki) jeke menshikke zańsyz berý jolymen laýazymdyq ókilettigin asyra paidalanǵany úshin kináli dep tanyldy.
Aqtaý qalalyq soty oblystyq politsiia departamenti kóshi-qon qyzmeti basqarmasy bastyǵynyń orynbasary Sh.Qalmurzaevty 3 jyl 6 aiǵa bas bostandyǵynan aiyrdy, ol el aýmaǵynda bolǵan kezde jalpy qamqorlyǵy úshin sheteldikten 3 million teńge kóleminde para alǵan.
Sottalǵan adamdar arnaýly ataqtarynan jáne memlekettik qyzmette laýazymdardy atqarý quqyǵynan aiyryldy. Úkimder zańdy kúshine engen joq.
