ىشكى ىستەر ورگاندارىنىڭ قىزمەتكەرلەرى جۇيەلى جەمقورلىق ءۇشىن سوتتالدى، - دەپ حابارلايدى Dalanews.kz.
مامىردا ىشكى ىستەر ورگاندارىنىڭ باسشىلارى سوتتالعان. وسكەمەن قالاسىنىڭ سوتى قالالىق باسقارمانىڭ اكىمشىلىك پوليسيا ءبولىمىنىڭ باستىعى ا.ا. تەرنوپولسكييگە جانە باسقا ادامدارعا قاتىستى پارا الۋ دەرەكتەرى بويىنشا ۇكىم شىعاردى.
ول جۇيەلى نەگىزدە مامانداندىرىلعان تۇراقتاردان اۆتوكولىك قۇرالدارىن زاڭسىز بەرگەنى ءۇشىن 20-دان 50 مىڭ تەڭگەگە دەيىنگى سومادا پارا العان. سوت ۇكىمىمەن وعان "پوليسيا پودپولكوۆنيگى" ارنايى اتاعىنان ايىرا وتىرا ايىپپۇل سالىندى.
سونىمەن قاتار، وسى ۇكىممەن پاراقورلىققا دەلدالدىق جاساعانى ءۇشىن وسكەمەن قالاسى پب پاترۋلدىك پوليسيا باتالونى ۆزۆودىنىڭ كومانديرى ر.ا. بايتانبالييەۆ جانە شقو پد ءاپب ينسپەكتورى م.ب. ەرباكوۆ، سونداي-اق، كومەك كورسەتكەنى ءۇشىن №5 ءورت ءسوندىرۋ ءبولىمىنىڭ قاراۋىل باستىعى د.ت. بيەكەنوۆ سوتتالدى.
ايىپپۇلداردىڭ جالپى سوماسى 22 ميلليون تەڭگەدەن استى. ق ر قك 41-بابىنا سايكەس ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى.
استانا قالاسىنىڭ قىلمىستىق ىستەر جونىندەگى اۋدانارالىق سوتى ەسىل اۋدانى پب انىقتاۋ ءبولىمىنىڭ باستىعى ە.جۇمانوۆتى 5 جىلعا شارتتى تۇردە سوتتادى.
ول اۋىر قىلمىس جاساعان ايىپتالۋشىنى قىلمىستىق جاۋاپكەرشىلىكتەن زاڭسىز بوساتقانى جانە دالەلدەمەلەردى بۇرمالاعانى ءۇشىن كىنالى دەپ تانىلدى. ۇكىمدەر زاڭدى كۇشىنە ەندى.
اقتوبە وبلىسىنىڭ اۋداندىق سوتىمەن وبلىستىق پوليسيا دەپارتامەنتى مارتوك اۋداندىق پوليسيا ءبولىمى باستىعىنىڭ ورىنباسارى ا.م. ەرعالييەۆ 5 جىل 6 ايعا باس بوستاندىعىنان ايىرىلدى.
ول مەملەكەتكە 243 ميلليون تەڭگەدەن اسا سوماعا زالال كەلتىرۋگە اكەپ سوققان زاتتاي دالەلدەمەلەردى (612 مىڭنان استام قوراپ تەمەكى) جەكە مەنشىككە زاڭسىز بەرۋ جولىمەن لاۋازىمدىق وكىلەتتىگىن اسىرا پايدالانعانى ءۇشىن كىنالى دەپ تانىلدى.
اقتاۋ قالالىق سوتى وبلىستىق پوليسيا دەپارتامەنتى كوشى-قون قىزمەتى باسقارماسى باستىعىنىڭ ورىنباسارى ش.قالمۇرزايەۆتى 3 جىل 6 ايعا باس بوستاندىعىنان ايىردى، ول ەل اۋماعىندا بولعان كەزدە جالپى قامقورلىعى ءۇشىن شەتەلدىكتەن 3 ميلليون تەڭگە كولەمىندە پارا العان.
سوتتالعان ادامدار ارناۋلى اتاقتارىنان جانە مەملەكەتتىك قىزمەتتە لاۋازىمداردى اتقارۋ قۇقىعىنان ايىرىلدى. ۇكىمدەر زاڭدى كۇشىنە ەنگەن جوق.
