Sybailas jemqorlyqqa qarsy agettigi sportty qarjylandyrý salasyndaǵy jemqorlyq táýekelderin joiý máseleleri boiynsha vedomstvoaralyq májilis ótkizdi, dep habarlaidy Dalanews.kz.
Elimizde sportty damytýǵa bólinetin memlekettik qarajattyń utymsyz jáne tiimsiz jumsalýyna ákep soqtyratyn eleýli jemqorlyq táýekelderi men faktorlarynyń bolýyn kórsetken syrtqy taldaý nátijeleri talqylanyp, sybailas jemqorlyqqa qarsy agettigi osy jyldyń basynan beri sport salasynda 39 jemqorlyq qylmysyn tirkegen.
Ult densaýlyǵyn nyǵaitý jáne buqaralyq, ásirese balalar sportyn damytý máselelerine memleket basshysy erekshe kóńil bólingendikten, tek sońǵy 6 jylda osy saladaǵy biýdjet 2 esege ósip, 1,4 trillion teńgege jetken. Alaida Qazaqstannyń álemdik sporttaǵy reitingi tómendeýde. Osy sala biýdjetiniń 90%-y jumsalatyn "joǵary jetistikter" jáne "buqaralyq" sportty qarjylandyrý arasynda teńgerimsizdik baiqalady.
Májiliste Qazaqstandaǵy sportshylardy natýralizatsiialaý, kásibi klýbtardyń biýdjetterin qalyptastyrý jáne legionerlerge tólemderdi qarjylandyrý máseleleri talqylandy. Prezidenttiń biýdjet pen jalaqy mólsherin shekteý jónindegi tapsyrmasyna qaramastan, elimizdiń fýtbol kásipodaq klýbtary sońǵy 3 jyl ishinde 30 mlrd teńgeden astam ústeme aqy tóledi. Sonymen qatar óziniń sporttyq infraqurylymyn damytýdyń ornyna biýdjet qarajaty legionerlerge tólem jasaýǵa jáne sport nysandaryn jalǵa alýǵa jumsaldy.
Taldaý qorytyndysy boiynsha agenttik salalyq ministrliktiń atyna jemqorlyq táýekelderin joiý boiynsha usynymdar engizdi.
Vedomstvolyq baqylaýdy kúsheitý jáne diskretsiialyq ókilettikterdi qysqartý, qarajatty bólý protsesterin naqty normativtik jáne quqyqtyq reglamentteýdi belgileý jáne buzýshylyqtar úshin jaýapkershilikti derbestendirý, sondai-aq biryńǵai tsifrlyq platforma qurý týraly suraqtar qoiyldy.
