Túrkiialyq biznesmenderdiń óńirimizge issaparynyń maqsaty aýyl sharýashylyǵyndaǵy jańa tehnologiialarǵa investitsiialar tartý, osy saladaǵy orta jáne shaǵyn biznesti damytý bolyp tabylady.
Óńirdiń áleýmettik-ekonomikalyq ahýalymen tanysyp, áleýetin baǵamdaýǵa kelgen delegatsiia músheleri Shymkenttegi arnaiy ekonomikalyq aimaq pen indýstrialdy aimaqtyń jumysymen tanysyp, ondaǵy kásiporyndardy aralady. Óńirdiń ekonomikalyq áleýetimen tanysqan túrik kásipkerleri aimaqtaǵy atqarylyp jatqan jumystardy oń baǵalap, bolashaqta birlese jumys isteýge nietti ekendikterin jetkizdi.
Eske salaiyq, 15 aqpanda ońtústikqazaqstandyq kásipkerler Túrkiiaǵa jumys saparymen baryp, Antaliia provintsiiasynyń kásipkerler qaýymdastyǵynyń ókilderimen kezdesý ótkizgen bolatyn. Onda Túrkiianyń 12 kompaniiasymen bizdiń biznesmender jihaz jasaý, keń qoldanystaǵy qaptaý ónimderiniń óndirisi, keptirilgen jemister jáne azyq-túlikke arnalǵan qaptama óniminiń óndirisi, jylyjaiǵa arnalǵan jabdyqtardy óndirý jáne ornatý, polipropilen ónimderin óndirý, tyńaitqyshtar óndirisi, transformatorlar qurastyrý, shyny plastikalyq ónimderdi óndirý, sándik gúl kóshetteriniń óndirisi aiasynda pikir almasyp, otyrysqa qatysýshylarǵa memlekettik qoldaý jáne OQO ekonomika sektorynyń barlyq salalaryndaǵy investitsiialyq tartymdylyǵy týraly tolyq aqparat berilgen-di.
Nátijesinde, túrkiialyq úsh kompaniiamen - «Çitello» (keptirilgen jemister jáne azyq-túlikke arnalǵan qaptama óniminiń óndirisi), «SiMGETEK A.S.» (jylyjaiǵa arnalǵan jabdyqtardy óndirý jáne ornatý) jáne «CUBO» (qurǵaq qurylys qospalaryn jáne boiaý ónimderin óndirisi) kompaniialarymen Ońtústik Qazaqstan oblysynda birlesken jobalardy júzege asyrý týraly kelisimge qol jetkizildi.
Túrik kásipkerleriniń Ońtústikke sapary aiasynda 30 naýryz kúni jergilikti kásipkerlermen B2B kezdesýler ótkizý josparlanyp jatyr.
OQO ákiminiń baspasóz qyzmeti
