Ánshi Muqasan Shahzadaev ustaldy. Bul týraly "Nur-Muqasan" tobynyń jańa múshesi Ǵalymjan Súleımenniń advokaty Inga Imanbaı málimdedi. Degenmen polısıa onyń ustalǵany týraly ázirge resmı pikir bildirmedi, dep habarlaıdy Dalanews.kz.
"Keshe polısıa tappaı jatyr dep habarlap edik. Qazir ustaldy. Jedel tergeý áreketteri bastaldy. Oǵan Ǵalymjan myrza ekeýmiz de qatysýymyz kerek. Qasaqana motıvpen, aldyn ala sóz baılasý arqyly densaýlyqqa zıan keltirilgenin, birneshe kún boıy jaýapkershilikten qashyp júrgenin eskersek, mindetti túrde túrme jazasy bolýy kerek. Sony talap etemiz", - dedi zańger.
Buǵan deıin istiń mán-jaıyn jazǵan edik. Ǵalymjan Súleımenniń aıtýynsha, daýdyń bári ánnen shyqqan. Máseleni sheshý úshin ol Shahzadaevtyń úıine barǵan. Alaıda soqqyǵa jyǵylǵan. "Polısıa Muqasandy emes, meni alyp ketti" deıdi. Endi "Nur-Muqasan" tobynyń múshesi zańgerlerdiń kómegine júginip, "jýan judyryqty" ánshini jaýapqa tartqysy keledi.
