"Angliiada qulpynai ter" degen jarnamaǵa aldanǵan bir top almatylyq shý shyǵardy, dep habarlaidy Dalanews.kz "KTK" telearnasyna siltep.
Barlyǵy - Angliiaǵa baryp, mol tabys tapqysy kelgender. Telearna málimetinshe, "qulpynai, gúl terip, qaltańdy qampaitasyń" dep ýáde etken - Tabystap kompaniiasy.
"Toǵyz ai ishinde jumysqa ornalastyramyz. Toǵyz ai ishinde jumys taýyp bermeitin bolsaq, aqshalaryńyzdy qaitaryp beremiz dep bizben kelisimshartqa otyrdy. Toǵyz ai emes, mine bir jyl ótti, bizdi eshqandai jumysqa ornalastyrǵan da joq. Aqshamyzdy da qaitaryp bergen joq. Kompaniiaǵa kelsek, esigin jaýyp, kilttep, qashyp ketken. Eshqandai telefonyn almaidy", - deidi Gúlnur Kárim.
Jelidegi jyltyraǵan jarnamaǵa senip, 300-den asa azamat san soǵyp qalypty. Júktegen videolarynda klientteri kezek-kezek alǵysyn jaýdyryp jatqan kórinedi. "Munyń bári tap-taza kózboiaýshylyq", - deidi aldanǵan jurt. Angliia asqysy kelgenderdiń árqaisy kompaniia shotyna 750 myń teńgeden aýdarǵan.
Olar jappai aryz jazǵan.
"Politsiianyń birneshe basqarmasyna aryzdanýshylar kelip, shaǵym bergen. Barlyǵy bir óndiriske biriktirilip, QR QK 193-babynyń úshinshi tarmaǵy boiynsha is júrgizilip jatyr", - dedi Almaty PD resmi ókili.
