Anaý aitqandai shyǵyn joq – Baizaq aýdanynyń ákimi
Onyń aitýynsha, bul dabyra jurttyń alyp-qashpa sózi.
Jarylys bolǵan jerge jaqyn Baizaq, Otamoinaq, Bazarbai degen aýyldarda keibir adamdar óz betimen úiin tastap qashqandyǵy týraly el aýzynda daqpyrt júr. Muny Baizaq aýdanynyń ákimi joqqa shyǵardy.
"Tótenshe jaǵdai oryn alǵan aýmaqta úsh eldi-meken bar. Qainar eldi-mekeninen 17 úi bar, ondaǵy 85 adamdy túgeldei túndegi qabyldanǵan sharalardyń arqasynda qaladaǵy №5 mektepke jetkizdik. Adam shyǵyny joq. Tańerteńnen bastap evakýatsiialadyq. Adamdar úiin tastap, bas saýǵalap qashty degen bolǵan joq. Bári úiinde boldy. Bul eldiń artyq áńgimesi, - deidi ol.
Baqyt Alpysbaiulynyń aitýynsha, aýylda búlingen zattar qazir qalpyna keltirilip jatyr.
"Jarylys bolǵan jerge jaqyn eki eldi-mekende, Jibek joly aýylynda 13 úidiń terezesi synǵan. Qazir olar qalpyna keltirilip jatyr. Basqa, anaý aitqandai shyǵyn joq", - deidi ol.
Aita ketsek, 26 tamyzda saǵat 19.00 ýaqytynda Jambyl oblysynda jarylystar boldy. Bes adamnyń qaza tapqany aitylady. Olardyń barlyǵy áskeri qyzmetkerler. Zardap shekkenderdiń sany 90-ǵa jetti. Jergilikti halyq mektepterge evakýatsiialandy. Qorǵanys ministri Nurlan Ermekbaev otstavkaǵa ketýge daiyn ekenin aitty.
