Vetnamnan densaýlyqqa qasaqana aýyr ziian keltirgen kúdikti ekstraditsiialandy, dep habarlaidy dalanews.kz.
Qazaqstan Respýblikasy Bas prokýratýrasy men Ishki ister ministrligi Interpol qyzmetkerleri Qazaqstannyń Vetnam Sotsialistik Respýblikasyndaǵy elshiliginiń járdemdesýimen Qazaqstan azamatyn ekstraditsiialady.
Ol byltyr qarashada óz úiinde alkogoldik masań kúide bolyp, janjaldan keiin anasyna pyshaqpen birneshe ret soqqy jasaǵany úshin kúdikke ilingen.
Qylmys jasaǵannan keiin zańda belgilengen jaýapkershilikten jaltarý maqsatynda kúdikti boi tasalap, osyǵan bailanysty halyqaralyq izdeý jariialanǵan.
Jedel izdestirý is-sharalary barysynda onyń Vetnam Sotsialistik Respýblikasy aýmaǵynda júrgeni anyqtalyp, maýsymda Danang qalasynda ustalǵan. Keiin Qazaqstan Respýblikasy Bas prokýratýrasynyń suraýy boiynsha elge ekstraditsiialandy.
Qazir kúdikti ýaqytsha ustaý izoliatoryna qamaldy.
