Anam órtenip jatqan kezde eshkim shyqqan joq! (video)
Bul týraly «NewTimes.kz» aqparat agenttiginiń tilshisi habarlady.
«Artynda qalǵan balalardy endi kim asyraidy?! Anam órtenip jatqan kezde eshkim shyqqan joq! Eshkimniń isi de bolǵan joq! Kináli osylar!», — dep zar jylady marqumnyń qyzy Aqmaral.
«Olar meniń aǵamdy uiymdasqan qylmystyq toptyń múshesi dep aiyptady. Bizdiń qalai turatynymyzdy kórseńizder. Úsh itimizden basqa eshteńe joq. Aǵamdy «Bambýk» aldap soqty. Ol Murat Úmbetáliev. (Jambyl oblystyq IID UQKB bólim bastyǵy) Bar shyndyqty sol aitsyn»,- dedi ol.
Bas prokýratýra aldynda osyndai janaiqaiyn jetkizgen boijetken aqyry esinen tanyp qaldy.
Eske sala ketsek, keshe Bas prokýratýra ǵimaraty aldynda ózin órtep jibergen áiel kóz jumdy.
Maira Rysmanova 1968 jyly týylǵan, ótken aptada 6 jeltoqsan kúni Astanada Bas prokýratýra ǵimaraty aldynda ózin-ózi órtep jiberip, aýyr hálde aýrýhanaǵa túsken edi.
Bolǵan oqiǵadan soń vedomstvonyń bergen málimetinshe, ol 1988 jyly týylǵan uly Erbol Ahmetovtyń úkimine kelispegendikten osyndai sharasyzdyqqa barǵan.
Prokýratýra bergen anyqtamaǵa qaraǵanda, Ahmetov Shý aýdandyq sotynyń úkimimen 2015 jyly 15 maýsymda QK 296-baby 4-bóligi (Asa iri mólsherdegi esirtki, psihotroptyq zattardy, sol tektesterdi ótkizý maqsatynsyz zańsyz saqtaý) boiynsha sottalyp, 4 jyl 6 aiǵa bas bostandyǵynan aiyrylǵan. Bas prokýror Asanov bul oqiǵany «sumdyq» dep atap, óz qolyna alatynyn málimdedi.
Derekkóz: kaz.caravan.kz
https://youtu.be/paj_84xca5s
https://youtu.be/vTT60qC1bts
