استانادا باس پروكۋراتۋرا الدىندا ءوز ءوزىن ورتەپ جىبەرگەن مايرا رىسمانوۆانىڭ قىزى مەكەمە ماڭىندا شۋ شىعارىپ، ارتىنان تالىپ قالدى. كۇزەتشىلەر وعان العاشقى دارىگەرلىك كومەك كورسەتتى.

بۇل تۋرالى «NewTimes.kz» اقپارات اگەنتتىگىنىڭ ءتىلشىسى حابارلادى.

«ارتىندا قالعان بالالاردى ەندى كىم اسىرايدى؟! انام ورتەنىپ جاتقان كەزدە ەشكىم شىققان جوق! ەشكىمنىڭ ءىسى دە بولعان جوق! كىنالى وسىلار!»، — دەپ زار جىلادى مارقۇمنىڭ قىزى اقمارال.

«ولار مەنىڭ اعامدى ۇيىمداسقان قىلمىستىق توپتىڭ مۇشەسى دەپ ايىپتادى. ءبىزدىڭ قالاي تۇراتىنىمىزدى كورسەڭىزدەر. ءۇش يتىمىزدەن باسقا ەشتەڭە جوق. اعامدى «بامبۋك» الداپ سوقتى. ول مۇرات ۇمبەتالييەۆ. (جامبىل وبلىستىق ءىىد ۇقكب ءبولىم باستىعى) بار شىندىقتى سول ايتسىن»،- دەدى ول.

باس پروكۋراتۋرا الدىندا وسىنداي جانايقايىن جەتكىزگەن بويجەتكەن اقىرى ەسىنەن تانىپ قالدى.

ەسكە سالا كەتسەك، كەشە باس پروكۋراتۋرا عيماراتى الدىندا ءوزىن ورتەپ جىبەرگەن ايەل كوز جۇمدى.

مايرا رىسمانوۆا 1968 جىلى تۋىلعان، وتكەن اپتادا 6 جەلتوقسان كۇنى استانادا باس پروكۋراتۋرا عيماراتى الدىندا ءوزىن-وزى ورتەپ جىبەرىپ، اۋىر حالدە اۋرۋحاناعا تۇسكەن ەدى.

بولعان وقيعادان سوڭ ۆەدومستۆونىڭ بەرگەن مالىمەتىنشە، ول 1988 جىلى تۋىلعان ۇلى ەربول احمەتوۆتىڭ ۇكىمىنە كەلىسپەگەندىكتەن وسىنداي شاراسىزدىققا بارعان.

پروكۋراتۋرا بەرگەن انىقتاماعا قاراعاندا، احمەتوۆ شۋ اۋداندىق سوتىنىڭ ۇكىمىمەن 2015 جىلى 15 ماۋسىمدا قك 296-بابى 4-بولىگى (اسا ءىرى مولشەردەگى ەسiرتكi، پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز ساقتاۋ) بويىنشا سوتتالىپ، 4 جىل 6 ايعا باس بوستاندىعىنان ايىرىلعان. باس پروكۋرور اسانوۆ بۇل وقيعانى «سۇمدىق» دەپ اتاپ، ءوز قولىنا الاتىنىن مالىمدەدى.

دەرەككوز: kaz.caravan.kz

https://youtu.be/paj_84xca5s

https://youtu.be/vTT60qC1bts