Ana tilin umytqan adam qalai ministr bolady?
Muny nysanadan qalt jibermegen tilshiler ministrge memlekettik tildi bilmeitinin betine basyp saýal tastady. Óz kezeginde QR Ulttyq ekonomika ministri Timýr Súleimenov tilshilerge 6 ai ishinde memlekettik tildi meńgerýge ýáde etti dep habarlady QazAqparat.
Búgin QR Parlamenti Májilisiniń jalpy otyrysy kezinde «Qazaqstan Respýblikasynyń keibir zańnamalyq aktilerine jergilikti ózin-ózi basqarýdy damytý máseleleri boiynsha ózgerister men tolyqtyrýlar engizý týraly» zań jobasy aiasynda depýtattardyń qazaq tilinde qoiǵan suraqtaryna ministr tek oryssha jaýap berip otyrdy.
Jańadan taǵaiyndalǵan ministr jýrnalisterge suhbaty barysynda Máskeýde jumys istegen jyldar ishinde qazaq tilin umytyńqyrap qalǵanyn jetkizdi.
«Máskeýde 5 jyl jumys istep, óz ana tilimdi umyta bastappyn. Biraq ta, 6 aidyń ishinde qaita meńgerip shyǵamyn», — dedi Súleimenov.
Sonymen qatar ol qyzmetinde jaqsy ári jaýapkershilikpen jumys isteitinin, osy oraida basshylyqtyń bergen tapsyrmalaryn oryndap, qyzmetkerlerge, qoǵamǵa, azamattarǵa qatysty adal bolatynyn atap ótti.
«Bul ustanymdardy oryndaǵan jaǵdaida maqsattar júzege asady degen oidamyn»,-dep jaýap qaiyrdy ministr.
